Friday, January 25, 2013

ගුරු ගීතය | Guru Geethaya

ගුරු ගීතය එසේත් නැත්නම් The First Teacher කෘතිය චිංගීස් අයිත්මාතව් නම් රුසියානු ලේඛකයා විසින් රචිත කෘතියකි. එය සිංහලයට පරිවර්තනය කර ඇත්තේ දැදිගම වී. රුද්‍රිගු මහතා ය.

අයිලය නම් ගමක වෙසෙන අල්තිනායි නම් වූ දැරිය හා එම ගමට පැමිණ පාසලක් පටන් ගෙන ගම්වල ළමුන්ට ඉගැන්වීම් කටයුතු කරන දුයිශෙන් නම් වූ ගුරුවරයෙකු වටා ගෙතී ඇති කතවකි, ගුරු ගීතය.පාසල පවත්වා ගෙන යාමෙදී හා ඉගැනුම් කාර්යේදි ඔවුම් මුහුන දෙන අසීරුතා මෙම කෘතියෙන් මනාව පිළිඹිබු වේ.

ග්‍රන්ථ නාමය : ගුරු ගීතය
ලේඛකයා : චිංගීස් අයිත්මාතව්
අනුවාදය : දැදිගම වී. රුද්‍රිගු
පිටු : 99-100 අතර



මිලදී ගත හැකි ස්ථාන : සියළුම සරසවි පොත් අලෙවිහල්
                                   කුරුලු පොත් ප්‍රකාශකයෝ, 594/1, නාවල පාර, රාජගිරිය

ඔව්..ශිත කාලය පැමිණේවි. තද ශීත කුණාටු හමාවි. හිම කැට සහිත මහ නපුරු සුළි සුළං හමාවි. එහෙත් වසන්තය එනවා සත්තකයි...
- ගුරු ගීතය කෘතියෙනි.

 මම කම්කරු විද්‍යලයේ ඉගෙන ගන්නා සමයෙදි මගේ පළවෙනි ගුරුවරයාට ලිපියක් ලියමින් , ඔහුට පෙම් කරන බවත් ඔහු පතන බවත් කීවෙමි. එහෙත් ඔහු පිළිතුරු ලීවේ නත. ඉන්පසු අප අතර ලියුම් ගනුදෙනු නතර විය. ඔහු මා ප්‍රතික්ෂේප කළේ මගේ ඉගෙනීමට බාධාවක් වෙතැයි යන බියෙනැයි මට සිතින. සමහර විට ඔහු නිවැරදි වන්නට පුළුවන...
-ගුරු ගීතය කෘතියෙනි.

කියවා රසවිඳිය හැකි කෘතියකි. එම නිසා ඔබ මේ කෘතිය තවම නොකියෙව්වේ නම් කියවා බලන්න.
මෙම කෘතිය බාගත කර ගැනීමට මෙතන ක්ලික් කරන්න.

පටන් ගැන්ම

මම මින් විසිතුරු !
මට පොඩි කාලේ විනෝදාංශ ගොඩක් තිබ්බා ඒ අතරින් ප්‍රාධානම විනෝදාංශය උනේ මාළු ඇති කරන එක. ඊට පස්සේ මගේ විනෝදාංශය තමා පොත් කියවන එක. අතට අහුවෙන ඕනම පොතක් පත්තරයක් කියවන එක මගේ පුරුද්දක් වෙලා තිබ්බා. මින් විසිතුරුට අකුරු කියවපු දා ඉදලම අම්මා ගෙනත් දෙන්නේ මොකක් හරි පොතක් එහෙමත් නැත්නම් පත්තරයක්.

ඔයාලට මතකද හෝඩි පොතට පස්සේ ඊලඟට කියවපු පොත මොකද්ද කියලා ? මින් විසිතුරුට නම් අම්මා ගෙනත් දීපු "කඩමාලි" කියන පොත තමා හෝඩි පොතට පස්සේ කියවපු පළවෙනිම පොත. ඉස්කෝලේ යන දවස්වල නම් මින් විසිතුරු මොනාහරි කතා පොතක් දවස ගානේ කියවන එක පුරුද්දක් වෙලා තියෙනවා.

මින් විසිතුරු කියන්නේ ස්වබාවයෙන්ම ටිකක් දඟ කරන සෙල්ලමට බර චරිතයක්. (හොඳ ටික !)
ඉතින් මින් විසිතුරු පංතියේ ඉන්නවට වඩා කොයි වෙලෙත් පංතියෙන් එළියට දාලා ඉන්නේ.අන්න ඒ වෙලාව තමා මින් විසිතුරු කොහෙවත් රැඳෙන්නේ නැතුව කෙලින්ම යන්නේ පුස්තකාලයට. මින් විසිතුරු හිටපු ඉස්කෝලේ පුස්තකාලාධිපති තුමියත් දන්නවා මින් විසිතුරුවා පුස්තකාලයට එනවා නම් අනිවර්යෙන්ම වැරැද්දක් කරලයි කියලා.

"ඔය දරුවා අද මොකද්ද කරපු වැරැද්ද ?"

පුස්තකාලාධිපති තුමිය සිනහමුසු මුහුනින් අහන අනිවාර්ය ප්‍රශ්නයක් තමයි ඕක.

"මුකුත් වැරැද්දක් කරලා නෑ ටීචර්"

මින් විසිතුරුවා එහෙම කිව්වට ටීචර් දන්නවා අනිවාර්යෙන්ම පන්තියෙන් පිටුවහල් කරලා කියලා.පංතියෙන් එළියට දැම්මට පස්සෙත් එහේ මෙහේ සෙල්ලම් කරන්න කැන්ටිමට වෙලා කාළය කන්නෙ නැතුව පුස්තකාලයට ඇවිදින් මොනාහරි ඉගෙන ගන්න නිසා පුස්තකාලාධිපතිනියත් මුකුත් කියන්නේ නෑ. අපේ පුස්තකාලාධිපතිනිය කියවපු මොකක් හරි හොඳ පොතක් තියෙනවා නම් ඒක ගැන මින් විසිතුරුට කියලා දෙන එක එයාගේ සිරිතක් !

මින් විසිතුරු ඒ විස්තර අහගෙන ඉන්නේ හරිම ආසවකින්.
ඉස්කෝලෙන් අයින් වෙලා එක එක රස්සාවල් කිහිපයක් කරන්න පටන් ගත්තට පස්සේ හැම පඩි දවසකටම පොතක් ගන්න එක මින් විසිතුරුගේ සිරිතක්. දැන් කරන දත්ත ඇතුල් කිරීමේ රස්සාවේ පඩිය ටිකක් විතර හොඳ නිසා මාසෙකට පොත් දෙක ගානේ ගන්නවා. ඒ නිසාම මින් විසිතුරුට පුංචි පහේ පුස්තකාලයකුත් ගෙදරම තියෙනවා.

මම මේ බ්ලොග් එකෙන් මම කියවන පොත් ගැන පොඩි විස්තරයක් දාන්න තමයි බලාපොරොත්තු වෙන්නේ. මගේ මාළු ටැංකිය බ්ලොග් එක වගේම මේ බ්ලොග් එකත් සති අන්තයේ යාවත්කාලීන වෙයි. මාසෙකට ලිපි හතරක් ලියන්න තමා බලාපොරොත්තුව.

මාත්තෙක්ක ඔයාලා රැඳී සිටීවි කියලා මින් විසිතුරු බලාපොරොත්තු වෙනවා.
එහෙනම් පොතක් ගැන තතු වලින් හමුවෙමු.
ජයවේවා !