පරදත්ත | Paradaththa

 යටිල්ල ගමේ අබේපාල හා චන්ද්‍රාවති නම් යුවලක් ජීවත් විය. ඔවුනට දාව අරවින්ද හා මධුමාලා නම් පුතෙකු හා දුවනියක සිටියෝ ය. ඔවුන් සතුටින් කාළය ගත කලේ ය.

දිනක් මධුමාලා හා ගමේ චණ්ඩියෙකු වූ විරා අතර බහින්බස් වීමක් ඇති විය. මේ බහින්බස් වීමේ කෙළවර වීරා විසින් මධුමාලාට මරණ තර්ජන එල්ල කළේ ය.

මධුමාලා ද ඒවා ගනන් නොගෙන සුපුරුදු පරිදි ජීවත් විය. දිනක් ගමේ පන්සලේ පැවති සල්පිටක් විය. මධුමාලා ද එයට සහභාගී වී ගෙදර එනවිට රෑ බෝවී තිබුණි.

ඒ එන මගදි මාදං කැලේ දී මධුමාලා ව ඝාතනය කර තිබී ගම්මුන්ට සොයා ගැනීමට හැකි විය.

මධුමාලාව මෙසේ ඝාතනය කලෝ කවරහු ද ? ඉන් පසුව කතාවේ සිදුවන්නේ කුමක් ද ?

කියවන්න පරදත්ත
මෙය මරණය හා බැඳි ගුප්ත නවකතාවකි. එක හුස්මටම කියවාගෙන යා හැකි කුතුහලය පිරි රස වෑහෙන අගනා කෘතියකි.

පරදත්ත
මොනිකා පුෂ්ප කුමාරි

තොටුපල නිහඬයි | Thotupala Nihandai

 බකිනිලන්ද තොටුපොලේ දී ගඟට වැටී කාන්තාවක් මිය යයි. පොලිසිය මේ අභිරහස විසදීමට උත්සහ කරයි. එහෙත් ඊට හේතුව හොයා ගැනීමට පොලිසියට ලේසි පහසු කාර්යයක් වූයේ නැත.

මේ අතරතුර දෙවෙනි මරණයත් ගඟට වැටීමෙන් සිදුවේ. එලෙසම තවත් මරණයක් සිදුවේ. පොලිසිය පූර්ණ විමර්ශනයකින් පසුව මිනිමරුවා සොයා ගනී.

මේ  ත්‍රිත්ව මිනිමැරුම පිටුපස සිටින්නේ කවුරුන් ද ?

කියවා බලන්න. තොටුපල නිහඬයි.

තොටුපල නිහඬයි.
මොනිකා පුෂ්ප කුමාරි

 

සන්ත්‍රාස | Santhrasa

නෙළුම් පිටිය ගමම භීතියෙන් ඇළලෙන්නට විය. ඒ එක පිට එක සිදුවන මරණ තුනක් නිසාය. මිනිමරුවා සොයා ගනීමට පොලිසිය නොයෙක් උත්සහ දරමින් සිටියි.

ගමක් භීතියට පත් කල මේ දාම මිනිමරුවා කවරෙක් විය හැකි ද ? පොලිසියට මේ මිනිමරුවා සොයාගත හැකි වේ ද ? මේ මිනිමැරුම් වලට හේතුව කුමක් වේ ද ?

එක හුස්මටම කියවාගෙන යා හැකි අන්දමේ ත්‍රාසජනක කෘතියකි.

පහතින් දක්වා ඇත්තේ මෙම පොතේ පසුපස කවරයෙන් උපුටා ගන්නා ලද කොටසකි.

නිරුවත්   ගැහැනියගෙඋ සුන්දර දේහය කහ බල්බ් එළිය යට දිලෙමින් තිබිණ. ඒ හරියටම ළංව බැලුවොත් මිසක ඇතිබවක් නොපෙනෙන අර බිත්ති සිදුරට ඉදිරියෙනි.

"හිටපිය උඹට..."

දත්මිටි කමින් ජැක්සන් කාමරේ බෝල කූඩුවේ එල්ලෙමින් තිබූ බඳ පටිය අතට ගත්තේය. මේ බඳපටිය භාවිතා වුණේ කාගෙවත් ඉනක රැඳෙන්න නොවේ. මේ කුඩා ගෙය ඇතුලේ රාත්‍රි කාලයේදි මේ බඳ පටිය භාවිතාවන වෙනස්ම කටයුත්තකට ය. ජැක්සන් ඉහලට එසවූ බදපටිය වැරෙන් නිරුවත් ගැහැනිය ගේ පිටට පතිත කළේය.

"චටාස්...!"

"උහ්ග්...!"

ඇගේ සිරුර වේදනාවෙන් වෙවුලුම් කෑවේය. වෙවුලා ගියේ ඇය පමණක් නොවේ. කාමර දෙක යා කළ සිදුරෙන් බලා උන් කුඩා ඇස් දෙක ද තිගැස්සිණි.

 

සන්ත්‍රාස ! ඔබව සන්ත්‍රාසයෙන් සන්ත්‍රාසයට ගෙන යයි !


සන්ත්‍රාස
මොනිකා පුෂ්ප කුමාරි

අවසන් මරණය | Awasan Maranaya

කුතුහලයකින් යුතුව එක දිගටම කියවා යා හැකි නවකතාවකි. මා එම පොතේ පසුපස කවරයෙන් උපුටා ගන්නා ලද කොටසක් සඳහන් කරමි. එය මා කතාව හඳුන්වා දෙනවාට වඩා උචිත වේ යැයි සිතමි.

වැසි පොදයක් ඇද හැලෙන ඒ රාත්‍රියේ හිස පටන් වැහි කබායක් පොරවාගත් ඡායාවක් පහන් කණුව යට දුරකථන කුටියට ඇතුළුවිය. කාසි කීපයක් පෙට්ටි කටට ඔබා හේ පුවරුවේ අංක එහාමෙහා කළේය. ඒ සමගම නගරයේ අනිත් කෙලවරේ සුවිශාල මන්දිරයක ස්ථාවර දුරකථනය හැඬවිණ.

"හෙලෝ.."

විකාශ් තරුපති දුරකථනයට උත්තර දුන්නේය.

"ජයනාත් තරුපතිගේ අවසන් කටයුතු ඉවර ද?"

ආගන්තුක කටහඬ ඇසුවේය.

"ඔව් හවස භූමදාන කළේ.."

තාත්තාගේ අවසන් කටයුතුවලට සහභාගි වෙන්නට බැරි වුණු කෙනෙකැයි විකාශ් සිතුවේය.

"ඒ කියන්නේ වැළළුවා ?"

"ඔව් කවුද මේ.."

"වලලනකොට තාත්තා මැරිලා හිටියා කියලා හොඳටම විශ්වාසද?"

"කවුද අයිසේ මේ..?"

විකාශ්ට කෝපයක් දැණින. තාත්තා මියගියේ හෘදයාබාධයකිනි. රෝහලට ගෙනයන විටත් තාත්තා මිය ගොස් තිබිණි. ලංකාවේ දක්ෂ වෛද්‍යවරු තුන් දෙනෙකු ම ඒ බව සනාථ කළහ.

"කලබල වෙන්න එපා විකාශ් මහත්තයෝ මං ආවේ ආරංචියක් කියන්ඩ.. දන්නවද ජයනාත් තරුපති
මැරිලා හිටියේ නෑ. උඹලා ඒ මිනිහව වැලලුවේ පණපිටින්.."

මෙය විය හැකිද? විකාශ්ගේ දෙපය පණ නැති විය.

කියවා බලන්න මෙම කෘතිය.

අවසන් මරණය
මොනිකා පුෂ්ප කුමාරි

අන්ධකාර රාත්‍රිය | Andakara Rathriya

එකිනෙකට වෙනස් සිදුවීම් සමූහයක් එකට එක් කොට ලියැවී ඇති අපූරු කතාවකි.

මෙහි සිදුවීම් අතර පහත සිදුවීම් වෙයි.

1. හික්කඩුවේ වෙරළේ නාදුනන පිලිස්සුනු මල සිරුරක් හමුවේ.

2. විරාජ් නම් වූ අයෙක් බෝඩිමේ නවාතැන් ගැනීමට පැමිණේ.

3. රශ්මිතා සිය නිවසින් පැන යයි.

4. අවුරුදු 4ක් වයසැති කුඩා දරුවෙක් අතුරුදහන් වේ.

මේ සිදුවීම් එකට එකතු වූ අපූරු කතවකි.

අන්ධකාර රාත්‍රිය

මොනිකා පුෂ්ප කුමාරි

කෝර්සිකානු සහෝදරයෝ | Korsikanu Sahodarayo

ලුවී සහා ලුයිෂින් යනු උපතින්ම ඇලපතින් එකට බද්ධ ව ඉපැදුනු කෝර්සිකානු දෙසොහොයුරන් ය. ඔවුන්ගේ සිතුම් පැතුම් ද එක ය. එක් අයෙකුට වන විපතක් අනෙකාට ද දැනෙන්නේ ය.

ඔවුන් දෙදෙනගෙන් එක් අයෙක් ම්ලේච්ඡය. අනෙකා එසේ නොවේ.

ලුවී පසු කලෙක ප්‍රංශයට යයි. ඒ නීතීඥ වෘත්තිය හැදෑරීමට ය.

ලුයිෂින් කිසි කලෙක කෝර්සිකාව අතහැර යාමට අකමැති ය.  

දිනක් ලුවී ට නොසිතූ විරූ ඇබැද්දියකට මුහුණ පාන්නට සිදුවේ. එය කුමක් ද කියා දැන ගැනීමට කැමති නම්, කියවන්න කෝර්සිකානු සහෝදරයෝ.

"ඇලෙක්සැන්ද්‍ ර දියුමා ශ්‍රේෂ්ඨ ප්‍රන්ස නවකතාකරුවෙකු මෙන්ම ශ්‍රේෂ්ඨ නාට්‍යකරුවෙක් ද වෙයි. මෙය නවකතාවක් වුවද ශ්‍රේෂ්ඨ නාට්‍ය්යකට අයත් සෑම අංගෝපාංගයක්  ම මෙහි ගැබ් වී ඇත පාඨකයා ග්‍රහණයට ගනිමින් පිටුවෙන් පිටුව ත්‍රාසයෙන් භීතියෙන් ශෘංගාරයෙන් හා අවිනිශ්චිත තාවයෙන් කතාව විකසනය වන අයුරු ඉතා විශ්මජනක ය. නිවුන් සොහොයුරන් දෙදෙනෙක් වටා ගෙතුණු අතිශය අද්භූත ජනක ප්‍රේම වෘතාන්තයකි. "

- කෝර්සිකානු සහෝදරයෝ පොතෙන් උපුටා ගන්නා ලද කොටසකි.

කේ. ජී. කරුණාතිලක

දයාවංශ ජයකොඩි ප්‍රකාශනයක් 

දික්කන්ද වලව්ව | Dikkanda Walawwa

 සපුමල් දලදාවත්ත සහ කෞශල්‍යයා  දළදාවත්ත මාතර සිට ගම් ගම්පහ දක්වා ගමන් කරයි.  ඔවුන් දෙපළ ගම්පහ යන්නේ  දික්කන්ද වලව්වට ය.  මේ වන විට දික්කන්ද වලව්වේ සැමුවෙල් දළදාවත්ත මහතා ඝාතනයට ලක්වී ඇත.

බොහෝ දෙනා සිතන්නේ මෙය සිය දිවි නසා ගැනීමක් කියා ය.

උඩ තට්ටුවේ සිට පහලට පැණ ඔහු සිය දිවි නසාගෙන ඇති බව සියළු දෙනා සිතයි.

නමුත් මේ පිළිබඳව පර්යේශණය කරන මනෝ එදිරිසූරියට සැබෑ කරුණු සොයා ගැනීමට හැකි වේ.

එසේ නම් සැමුවෙල්ගේ ඝාතකයා කවුරුන් විය හැකි ද ?

දික්කන්ද වලව්ව
ජයශංඛ කරුණාරත්න
දයාවංශ සහ ජයකොඩි ප්‍රකාශනයක්.

යළි උපන් යුවතිය | Yali Upan Yuwathiya

 සෙව්වන්දි යනු හලාවත  ප්‍රදේශයේ ජීවත් වූ අවිහිංසක ගැහැණු ළමයෙකි. ඈව කවුරුන් හෝ මරා දමා තිබේ. පොලිසිය විසින් සෙව්වන්දිගේ මරණය ගැන පරීක්ෂණ පවත්වයි. පොලිසිය කෙතෙක් උත්සාහ කළ ද මේ පිළිබඳ තොරතුරු ලබා ගත නොහැකි විය.

නමුත් පසු කලෙක පොලිසිය සෙව්වන්දීගේ නියම මිනිමරුවා සොයා ගන්නා ලදී. චමුදි නම් වූ කුඩා දැරිය ලබාදුන් සාක්ෂි අනුව පොලිසිය පරීක්ෂණ සිදු කරයි ඒ පර පරීක්ෂණවලින් සෙව්වන්දිගේ නියම මිනිමරුවා සොයා ගැනීමට පොලිසියට හැකිවිය.


එය වූයේ කෙසේද කියවන්න

 

යළි උපන් යුවතිය
ඩී එම් අනුර දිසානායක
සුසර ප්‍රකාශනයක්

හාලිඇළ වලව්ව | Haliela Walawwa

 හාලිඇළ  වලව්වේ වර්තමාන උරුමක්කාරයා වූ අසංග බණ්ඩාර සිකුරාදා හවස  කොළඹ සිට හාලිඇළ දක්වා දුම්රියෙන් පැමිණෙයි.  ඔහු හාලිඇළ දුම්රිය නැවතුමෙන් බැස සිය වලව්ව කරා යන  ගමනේදී පැහැරගැනීමට ලක් වෙයි.  පොලිසිය විසින් අසංග බණ්ඩාර  පැහැර ගැනීමේ සිද්ධිය ගැන පරීක්ෂණ පවත්වයි.  ටික කලකින්  හෝටලයක  වැසිකිළි වලක තිබී අසංග බණ්ඩාර ගේ  මිනිය සොයා ගැනීමට පොලිසියට හැකි වේ.

අසංග බණ්ඩාර ව මරා දැමුවේ කවුද?  එසේ කළේ කුමන හේතුවක් නිසාද?
 කියවන්න.   

හාලිඇළ වලව්ව
 ඩී.  එම්. අනුර දිසානායක
වාසනා ප්‍රකාශනයක් 

රහස් පොලිස් | Rahas Police

 සුප්‍රසිද්ධ විද්‍යාඥයෙකු මරා දමා රජයේ රහස් ලිපිගොනු සමූහයක් පැහැර ගත් රහස් ඔත්තු සංවිධානයක බිහිසුණු ත්‍රස්තවාදී කල්ලියක් පසුපස ලුහුබැඳ යන secret service විශේෂ රහස් පරීක්ෂණ ආයතනයේ අති දක්ෂ ඔත්තු කාරයෙකු වූ රොජර් වෙස්ට්ට බිහිසුණු අත්දැකීම් රාශියකට මුහුණ දීමට සිදුවේ.

 තම රට වෙනුවෙන් ජීවිතය පරදුවට තබා සටන් වදින්න ශූර ඔත්තුකාරයෙක් වටා ගෙතී ඇති "රහස් පොලිස්" නවකතාව ත්‍රාසය භීතිය සහ කුතුහලය එකට කැටි කළ රසවත් කතාවකි.

මෙය විශේෂයෙන්ම දුර්වල සිත් ඇත්තන් සඳහා නොව සූර වීරකම් හා ත්‍රාසය කිය කරනු යොවුන් පරපුර සඳහා පමණක් තියෙන පොතක් බව සලකන්න. 

 ඉහතින් සඳහන් කර ඇත්තේ අහස් පොලිස් නවකතාවෙන් උපුටා ගන්නා ලද කොටසකි.

රහස් පොලිස්
චන්ද්‍රසේන ද සිල්වා
ත්‍රාස ප්‍රකාශනයක්

මාරකඩ අබිරහස | Marakada Abhirahasa

 ඉන්ස්පැක්ටර් රොමේෂ්ගෙ තවත් වික්‍රමයක් මාරකඩ අබිරහස !

මෙම කෘතිය ද අනුර දිසානායකයන් විසින් රචනා කරන ලද තවත් එක් රහස් පරීක්ෂක කතාවක එසේම එි එසේම එක හුස්මටම කියවාගෙන යා හැකි පරිදි මෙම කෘතිය රචනා කර ඇත මෙම කෘතියේ වාග් වින්‍යාසය ඉතා සරලය.  සුගමය.

ඉන්ස්පැක්ටර් රොමේෂ් කියූ එම ප්‍රකාශය ගැන මැදගම පුදුම විය. තමා මොනිකා සමග කතාබස් කර පැමිණිය ද එම ලියුම ගැන මෙවන් විස්තරයක් ඔහුට දැන ගැනීමට නොහැකි විය. එහෙත් තමා ඉන්ස්පැක්ටර් රොමේෂ් වෙත ලබා දුන් මොනිකාගේ දුරකතන ඇමතුම් අංකය තුළින් ඔහු ඒ සියලු දේ දැනගෙන ඇත සත්‍ය වශයෙන්ම ඉන්ස්පැක්ටර්  රොමේෂ් යනු දක්ෂ රහස් පරීක්ෂකවරයෙක් ඔහුගේ උපදෙස් අනුව මිස මෙම මිනීමැරුම පිළිබඳව පරීක්ෂණ කිසිසේත් කළ නොහැකි බව මැදගම ට අවබෝධ විය

මාරකඩ  අබිරහස
 ඩී එම් අනුර දිසානායක
සුසර ප්‍රකාශනයක්

පාලංකඩ | Palankada

 කසුන් වන්නිආරච්චි විවහා වන්නේ අවන්ති බෙනරගම සමග ය. කසුන් කෝටිපති ව්‍යාපාරිකයෙකුගේ එකම පුතා ය. ඔහු අවන්තිව කසාද බඳින්නේ අවන්ති ඒ වන විට උපාධිධාරිනියක වීම නිසා ය.

ඒ දෙපල විවහා වී මසක් ගත වන විට විනෝද චාරිකාවක් සඳහා බදුල්ලට දුම් රියෙන් ගමන් කරයි.

බදුල්ලෙන් බසින මේ දෙපලව කිසියම් අයෙකු විසින් පහැරගෙන රඳවා තමා ගනී.

ඒ කවුන් විය හැකි ද ? එසේ කිරීමට හේතුව කුමක් ද ?

 පහතින් දක්වා ඇත්තේ පාලංකඩ කෘතියෙන්   උපුටා ගත් කොටසකි.

 'මොකක්ද සාජන්ට් මහත්තයා ? මම ඕන උදව්වක් කරන්නම්.
මගේ ෆෝන් එක හොයලා දුන්නේ පොලිසියෙන්. ඒවගේම මගේ
කාර් එක හොයලා දුන්නෙත් පොලිසියෙන්. '

' ඔය ෆෝන් එකයි කාර් එකයි හොරකම් කළේ හරියටම කවද්ද? '

'අප්‍රියෙල් 23 වෙනිදා'

'23 වෙනිදා කීයට විතර ද ?'

 'ඩ්‍රැයිවර් කිව්ව විදිහට නම් 23 වෙනිදා රෑ  දහය හමාරට විතර.'

'23 වෙනිදා රෑ හමාර වෙනකන් ගත්ත කෝල් හෝ ලැබුණ
කෝල් සියල්ලම ජයන්ත මහත්තයා සම්බන්ධ. කෝල් මම කියන එක හරිද ?'

'හරි සාජන්ට් මහත්තයා'

 

 පාලංකඩ
 ඩී එම් අනුර දිසානායක
මියුසස්  ප්‍රකාශනයක්
මිල රුපියල් 750/=

සඳ මම නම් | Sanda Mama Nam

 සඳලි, හිරණ්‍යා සහ තාරුකා යන තිදෙනා එකම පවුලේ සහෝදරියන් තිදෙනෙකි. ඔවූහු සතුටින් කාලය ගත කලහ. මෙසේ කල් ගත වන විට සිය පියාගේ නැගණිය දරුවකු සමඟ මේ නිවසට ආවා ය.

ඈ තම සහෝදරයා ඉදිරියේ හඬා වැලපී තමාව සහෝදරියක ලෙස පිළි ගන්න යැයි ඉල්ලා සිටියා ය. පසුව ඔහුද ඈගේ එම ඉල්ලීමට අනුව සහෝදරියක ලෙස ඈව පිලිගත්තේ ය.

කල් ගත වන විට සිය සහෝදරියගේ පුතා වන කමලසිරි, සඳලි කෙරෙහි ඒක පාර්ශ්වික ආදරයක් ඇති කර ගත්තේ ය.

ඔහු මේ බව සඳලිට කියා සිටිය ද සඳලිගෙන් සුබදායි ප්‍රතිචාරයක් නොලැඹිණි.

කලක් ගත වන විට කුසුම්සිරි අතින් සඳලි දූශණයට ලක් විය. එපමණක් නොව කුසුම්සිරි ට දාව සඳලි ගැබ් ගත්තා ය.

එය සිදු වූයේ කෙසේ ද ? ඉන්පසුව ඔවුන්ගේ ජීවිත කෙසේ නම් ගලාගෙන යා ද ? කියවන්න "සඳ මම නම්"

සඳ මම නම්
ප්‍රියංකා අමරතුංග

බකිනි මල | Bakini Mala

 හින්නි හාමිගේ පවුලේ සියේ සිය පුතා වන ආරියදාසත් දුවණිව වන සිරියාවතීත් පමණි. සිය එවාමි පුරුෂයාගේ වියෝවෙන් පසුව හින්නි හාමිගේ හිස මත පැටවී තිබුණු ලොකුම බර වූයේ සිය දරුවන් දෙදෙනාගේ විවාහයන් සිදුකර දීම ය.

ඈ ඒ වෙනුවෙන් නොසෑහෙන්න වෙහෙසුනා ය.

රතු මහත්තයා විසින් කතා කරන ලද විවහා යෝජනාවකට කැමති වූ සිරියලතා ටික කලකින් දීග ගියා ය. ඒ තමා පදිංචි ගමෙන් ටික දුරක පිහිටි බණ්ඩත්තරට ය.

සිය නංගීත් තම මස්සිනාත් දෙපල සතුටින් පවුල් ජීවිතය ගත කලෝය.

ටික කලෙකින් ඔවුන්ට පුතෙකු ද ලැබුණා හ.

ඊට ටික කලකට පසු ආරියදාසත් විවහා දිවියට එලැඹීය. ඒ දිවිය එතරම් සාර්ථක විවහා ජීවිතයක් නොවී ය.

එසේ වූයේ ඇයි ? කියවා බලන්න බකිනි මල කෘතිය. සරල බස් වහරකින් ලියැවී ඇත.

බකිනි මල
ජයකොඩි සෙනවිරත්න
දයාවංශ ජයකොඩි ප්‍රකාශනයක්.

සන්තර්පණ | Santharpana

 රොමේශ් කටුලන්ද යනු රහස් පොලීසියේ දක්ශ නිලධාරියෙක්. ඔහු විසින් රූමත් යුවතියන් පැහැර ගෙන ගොස් දූෂණය කරන එක් පාපතරයෙකු නීතියේ රැහැනට හසු කර ගන්නා ආකාරය කතාව පුරාම දිග හැරේ !

එසේම අතවරයට ලක් වූ යුවතියන් හා ඔවුන් සමාජය තුළ ජීවත් වීමේදි මුහුණ පාන්නට සිදුවන සිදුවීම් ද මේ කතාව තුල අපූරුවට විග්‍රහ කෙරේ.

එක හුස්මටම කියවාගෙන යා හැකි පරිදි සරල වූ බස් වහරකින් ලියැවී ඇත.

සන්තර්පණ
ඩී. එම්. අනුර දිසානායක
දිනිස ප්‍රකාශනයක්
මිල රු. 800/=

 

මඟ දිගට ජනකතා 2 | Maga Digata Janakatha 2

 ඩී. පී. වික්‍රමසිංහයන්ගේ මඟ දිගට ජනකතා පොතේ පළමු වෙළුම ඔබ මේ වන විට කියවා තිබෙන්නට පුලුවන. මේ එම පොතේ දෙවැන්නයි.

ඔහු පළවෙනි පොතෙන් ජනකතා 50ක් ඉදිරිපත් කල ද මෙම පොතේ ඇත්තේ ඊට වඩා අඩු ජනකතා එකතුවකි.

එයට හේතුව වන්නේ මෙම පොත ලියා නිම කිරීමට පෙර වික්‍රමසිංහ මහතා අවාසනාවන්ත ලෙස මිය යාමයි.

ඔහුගේ අභාවයෙන් පසු ඔහු මෙතෙක් පල නොකළ කතා සියල්ලම මඟ දිගට ජනකතා 2 වන පොත ලෙස ඔහුගේ සමීපතමයෙක් ප්‍රකාශයට පත් කර තිබේ.

මේ එම කෘතියයි.

මෙයත් පළමු වැන්න සේම රස වෑහෙන ජනකතා සමූහයක එකතුවකි. වෙනසකට ඇත්තේ ජනකතා 50ක් නොව ඊට අඩු ප්‍රමාණයක් තිබීම පමණෙකි.

කියවා බලන්න. 

දේවතා එළි | Dewatha Eli

 කිංකිණි සිය පවුලේ වැඩිමහල් දියණිය වේ. ඈ සිය පියාගේ දේපල වෙලදාම් ව්‍යාපාරයේ වැඩකටයුතු බලා කියාගෙන සතුටින් ජීවත් වූවා ය. දිනක් මේ ව්‍යාපාරික ස්ථානයට සචින්ත නම් වූ තරුණයෙක් පැමිණියේ ය.

ඔහු කඩවසම් ය.

මේ තරුණයා පැමිණියේ තම ව්‍යාපාරය කරගෙන යාමට ගොඩනැගිල්ලක් මිළදී ගැනීම සදහා ය. ඔහුට යක්කල ප්‍රදේශයේ දෙමහල් නිවසක් සොයා දීමට කිංකිණි කටයුතු කළා ය.

කල් ගත වත්ම ඈ හා සචින්ත අතර ආදරයක් ගොඩ නැගුණු අතර ඔවුන් දෙදෙනා විවහා දිවියට ද එළඹුණි.

ඔවුන් ආදරයෙන් හා සතුටින් විවහා දිවිය ගත කළහ.

කල් ගතවත්ම සචින්තගේ ව්‍යාපාරයට අවශ්‍ය වන භාණ්ඩ තොගයක් මිලදී ගැනීමට අඩුවූ ලක්ෂ 5ක පමණ මුදලක් කිංකිණිගෙන් ඉල්ලා සිටියේ ය.

කිංකිණි ද සිය සැමියාගේ ව්‍යාපාරයට අවශ්‍ය වූ මේ මුදල නොපැකිළිව ලබා දුන්නා ය. මේ මුදල ද රැගෙන ඔහු කොළඹ ගිය දින රෑ අනපෙක්ෂිතව සචින්ත අනතුරකට ලක් විය.

අනතුරින් ඔහු රෝහල් ගත විය. කිංකිණිද වහා වහා රෝහලට ගියා ය.

රෝහලේ දී කිංකිණිට අනපේක්ෂිත සිදුවීමකට මුහුණ පාන්නට සිදු විය.

ඒ සිදුවීම කුමක් ද ?

ඒ සිදුවීමෙන් පසු ඔහු කලින් විවහා වූ අයෙක් බව ඈට දැන ගන්නට ලැඹිණි.

ඉන්පසුව සිදු වන්නේ කුමක් ද ?

දේවතා එළි
කතෘ: චන්දි කොඩිකාර
රත්සර ප්‍රකාශනයක්
මිල රු. 500/=