Tuesday, December 10, 2013

තුංමං හන්දිය | Thunman Handiya

රඳාවාන හන්දියෙන් පාර තුනකට බෙදේ. එක් පාරක් ගම්පහ දෙසටය. අනෙක් පාර කිරිඳිවැල දෙසටය. ඉතිරි පාර දිවෙනුයේ කොළඹට ය. මේ ඔහුගේ ජීවිතයේ තුංමං හන්දිය වේ

ඔහු නමින් සිරිසේන ය.

සිරිසේනට මාමාවරු දෙදෙනෙක් සිටී. එක් අයෙක් සුරාවට සූදුවට ඇබ්බැහි වූ අයෙකි.එහෙත් ඔහු ගමේ මරණයකට මඟුලකට උදව් වෙමින් ඉතාමත් සතුටින් කාළය ගත කළ අයෙකි. ඔහු චිත්‍ර කළාවට දක්සකම් දැක්වූ අයෙකි. මේ නිසා සිරිසේන ද චිත්‍ර විෂයය කෙරෙහි ඉමහත් උනන්දුවක් දැක්වීය.

පොඩි මාමා රඳාවානේ සිල්ලර කඩයක් කල මසුරු අයෙකි.ඔහු කිසිවකට මුදල් වියදම් කලේ නැත. ඔහු යසවතී නම් වූ කන්තාවක් හා විවහා වී ඉතාමත් සතුටින් ජීවත් වූ අයෙකි.

මෙවැනි චරිත අතර සිරිසේන නම් වූ කොළුවෙකුගේ චරිතය ගලා යයි. මෙය හුදෙක් චරිත කතාවක්ම නොවේ එකල ගැමි දිවියත් මනාව විස්තර කෙරෙන නවකතාවකි.

කතාවේ අවසානයේ සිරිසේනට තෝරා ගත හැකි මාර්ග ද තුනෙකි. එකක් රදාවානේ තම නිවසට ගොස් ගොවිතැන් කිරීම.. අනෙක ගම්පහ ලෝරන්ස් විද්‍යාලයෙන් ඉංග්‍රීසි ඉගෙන ගැනීම ගා කොළඹ ගොස් චිත්‍ර කර්මය ඉගෙන ගැනීමයි... ඔහු කුමන මවත තෝරා ගන්නේද සොයා බැලීම ඔබට භාර කරමි !

මෙම පොත ඔබ කවුරුත් හඳුනන මහගම සේකරයන්ගේ කෘතියකි. ගොඩගේ ප්‍රකාශනයකි.

මෙම පොතේ මා දකින සුවිශේෂිම ලක්ෂණය වන්නේ කතාවේ දෙබස් පවා ඡේදයට නගා තිබීමයි.



දිගාමඩුලු ආශ්චර්යය | Digamadulu Ashcharya

දිගාමඩුල්ලේ ජන ජීවිතයත් ගොවිතැනත් අලලා ලියැවුණු කෘතියකි.

 එදා භාවිතා වන ජනවහරත් සමග එක හුස්මටම කියවා යා හැකි මාහැඟි කෘතියකි. එසේම කතුවරයා මුහුණදුන් ත්‍රාසජනක අත්දැකීම් විස්තර කර ඇති නිසා කුතුහලය නොඅඩුවම කියවාගෙන යා හැකි කෘතියකි.

මෙම පොත සෑහෙන කාලයකට උඩදී ලියැවී ඇති නිසා භාෂා භාවිතයේ වෙනසක් අත්විඳිය හැකි කෘතියකි.

එකට හතේ පන්තියේ සිංහල පෙල පොතට පවා මෙම පොතෙන් උපුටා ගන්නා ලද ඡේදයක් ද ඇතුලත් කර තිබුණි. 

ඔබත් මෙම කෘතිය කියවා නොමැති නම් කියැවා බැලිමට කාළයයි මේ.

මෙම පොත මායාරංජන් නම් අන්වර්ථ නාමයෙන් හඳුන්වන මහානාම රාජපක්ෂයන්ගේ කෘතියකි. ගොඩගේ ප්‍රකාශනයකි.

මෙය ඉතාමත් පැරණි පොතක් නිසා ගොඩගේ පොත් හලින් හැරෙන්නට වෙනත් පොත් හල්වල තිබේ යැයි අපේක්ෂා කළ නොහැකිය. 

Friday, December 6, 2013

නිධාන කැලේ අභිරහස | Nidhana Kale Abhirahasa

ගම කෙලවර නිධාන කැළය නම් වූ වනාන්තරයක් වෙයි. එම වනාන්තරයට ඒ නම ලැබී ඇත්තේ වනය මැදක පිහිටි ගල්තලාවක පවනිත බවට සැක කරන්නාවූ නිධානයක් නිසාය. මේ නිධානයට බහිරවයෙකු අරක්ගෙන ඇති බව ගම්මුන් තුල පවතින කටකතාවක් නිසා ඔවුන් දිවා කාළයේදි උවද මෙම නිධාන කැළයට යාමට ඉමහත් බියක් දැක්වී ය.

ගම්මුන් තුල පවතින බහිරව බිය වාසියට ගෙන පිරිසක් මෙම නිධානය ගැනීමට උත්සහ කරයි. මෙම පිරිස මුලින්ම කරන්නේ අයෙකුව බහිරවයෙක් ලෙස වෙස් ගන්වා ගම්මුන්ව බියට පත් කිරීමයි. මෙම බිය වැද්දවීම් නිසා ගම්මුන් කිහිප දෙනෙක් මිය ගියේය.

මේ පිළිබඳ සෙවීම සඳහා ගමේ ආරච්චිල රාලහාමිගේ පුතා ප්‍රමුඛ ළමා පිරිස මෙහෙයුමක් දියත් කරයි.මෙම මෙහෙයුම නිසා අසරණ දරුවෙකුගේ හා ගැමියෙකුගේ දිවි ගලවා ගැනීමට ඔවුනට හැකි විය...

සරල කතාවක් වන මෙය යොවුන් නව කතා ගනයට අයත්වන කෘතියකි. කුතුහලය නො අඩුවම එක ලෙස රසවිඳිය හැකි කෘතියක් වන අතර එය 2009 වසරේ රාජ්‍ය සාහිත්‍ය සම්මාන උළෙලේදී හොඳම යොවුන් නවකතාවට හිමි සම්මානය දිනා ගෙන ඇත.

මෙම පොතෙහි කතුවරයා වන්නේ  වෛද්‍ය දිනේශ් ගුණතිලක සමරවික්‍රම වන අතර දයාවංශ ජයකොඩි සහ සමාගමේ ප්‍රකාශනයකි.

මෙම පොත කියවා නොමැති නම් ඔබත් අදම කියවා රසවිඳින්න !

Friday, November 22, 2013

ෂර්ලොක් හෝම්ස් ආපසු එයි | Sherlock Holmes Apasu Ei

අන්තරාය අඩවිය නම් කතා පොතේදි ෂර්ලොක් හෝම්ස් රයිෂන්බාක් දිය ඇල්ලෙන් පහලට වැටුනු බව ඔබ දන්නෙහිය. ෂර්ලොක් හෝම්ස්ගේ මිය යෑම නිසා උරණ වූ පාටකයෝ නැවතත් ඔහුව ජීවතුන් අතරට ගෙනෙන ලෙස ඉල්ලීම් කලෝය.

මේ ඉල්ලීම් වල වැඩිවීම හේතුකොටගෙන  ශ්‍රීමත් ආතර් කොනන් ඩොයිල් තම රහස් පරීක්ෂක චරිතයට පණ පෙවීය.

මේ ෂර්ලොක් හෝම්ස්ගේ පුනරාගමනයේ කතාවයි !

මීට අමතරව පහත සදහන් රහස් පරීක්ෂක කතා ද ඇතුලත් ය.

1. සුව පහසු නවාතැන
2. තේම්ස් නදී තෙර වික්‍රමය
3. හදිසි අභාවය
4. රැම්ස්ගේට් ප්‍රෙහේලිකාව
5. මාරයාගේ දූතයෝ
6. කර්නල් වෝබටන්ගේ උමතුව

සහ
7. නාඳුනන්නා



මෙම කෘතියත් චන්දන මෙන්ඩිස්ගේ පරිවර්තනයක් වන අතර කතෲ ප්‍රකාශනයකි.

මේ පොත කියවා නොමැති නම් මෙතන ක්ලික් කර භාගත කරගන්න.
කියවා රසවිඳින්න !

Thursday, November 21, 2013

ෂර්ලොක් හෝම්ස් අන්තරාය අඩවියක | Sherlock Holmes Antharaya Adawiyaka

ෂර්ලොක් හෝම්ස් රහස් පරීක්ෂක කතා මාලාවේ තවත් කතාංග හතක් ඇතුලත් කෘතියකි, ෂර්ලොක් හෝම්ස් අන්තරාය අඩවියක කෘතිය. මෙම කෘතියේ එන කතා අතුරින් ෂර්ලොක් හෝම්ස්, මහාචාර්ය මොරියාටි හා සටන් වැද රයිෂන්බාක් දිය ඇල්ලට ඇදවැටෙන කතාව වන "අවසන් ගැටළුව" කතාවද ඇතුලත් ය.

ආතර් කොනන් ඩොයිල් මහත්මා සිය රහස්පරීක්ෂක චරිතය මරණයට පත් කිරීමට ගත් උත්හසය නිසා මෙම කතාව සුවිශේෂි තැනක් ගනී.

ඊට අමතරව මෙම පොතේ පහත කතා ඇතුලත් ය.

1.රතු කවයේ අභිරහස
2. රහස් පරීක්ෂකයාගේ මරණ මංචකය
3. නේවාසික රෝගියා
4. අමනුෂ්‍ය මුහුණ
5. භාෂා පරිවර්තකයා
6. ගල් පාලමේ ඛේදවාචකය
7. අවසන් ගැටළුව

මෙම පොතෙහි එන කතාංගත් කුතුහලය නොඅඩුවම රසවිඳිය හැකි අභිරහස් පරීක්ෂණ වේ. මෙම පොත චන්දන මෙන්ඩිස්ගේ පරිවර්තනයකි. කතෘ ප්‍රකාශනයකි.

මෙම පොත බාගත කර ගැනීමට මෙතන ක්ලික් කරන්න.

Sunday, November 10, 2013

ඉන්ද්‍රනීල මාණික්‍යය | Indraneela Manikya

ලෝ පුරා කා අතරත් ප්‍රසිද්ධ ෂර්ලොක් හෝම්ස් රහස් පරීක්ෂක කතා මාලාවේ තවත් කෙටි කතාංග හයක් ඇතුලත් පොතකි, ඉන්ද්‍රනීල මාණික්‍යය. මේ පොත ගැන විස්තර කිරීම ගහ දන්නා අයට කොළ කඩා පෑමක් වන බැවින් මා මීට වඩා යමක් කියන්නේ නැත. ඔබම කියවා බලන්න.

අනෙකුත් කතාංග මෙන්ම කුතුහලය නොඅඩුවම රසවිඳිය හැකි කෘතියකි.පහතින් දක්වා ඇත්තේ මෙම පොතේ පසුපිටින් උපුටා ගන්නා ලද කොටසකි.


 ඉන්ද්‍රනීල මාණික්‍යය
"උබයි උබේ පාත්තයොයි ගැන කථාව මට දැන් තිත්ත වෙලා.... මං ප්‍රාර්ථනා කරනවා තොපි ඔක්කොම යක්ෂ‍යාට බිලිවේවා කියලා.... කරදර කරන්න ආවොත් ලියනවා බල්ලව !"

උමං දුම්රියේ අභිරහස් මරණය
"අග්‍රාමාත්‍යතුමා මේ තරම් කලබල වෙලා ඉන්නවා මං කවදාවත් දැකලා නෑ. නාවික හමුදා මූලස්ථානය අනික් පැත්ත පෙරළුණු මී වදයක් වගේ කැළඹිලා ! ෂර්ලොක් ඔබේ අනෙක් පරීක්ෂණ අහකට විසිකරන්න.... ගොයන්න මේ තරුණයා මිය ගියේ කොහොමද?"

බිහිසුනු අත්දැකීමක්
".... ඔහුගේ කට බාගෙට ඇරුණා. භීතිය පිළිඹිබු කරමින් දෑස් ඉදිරියට නෙරා ආවා. මුහුණ සම්පූර්ණයෙන්ම සුදුමැලි වුණා."

අයිරින් ඇඩ්ලර්
"එක්වරම හෝම්ස් විලාප නඟමින් බිම ඇද වැටුණේය.ඔහුගේ මුහුණ පුරා ලේ ගලා යන්නට පටන් ගත් හැටි මම දුටුවෙමි. පිරිසක් තුවාල වී ඇද වැටුණු හෝම්ස්ට උදව් කිරීමට ඉදිරිපත් විය."

සහ

බොස්කෝම්බ් නිම්නයේ ඛේදවාචකය
රතු හිසකෙස් ගැටළුව

මෙම පොත චන්දන මෙන්ඩිස්ගේ පරිවර්තනයකි.කතෲ ප්‍රකාශනයකි.

පසුව ලියමි. - මේ පොත බාගත කරගන්න මෙතන ක්ලික් කරන්න.

Monday, November 4, 2013

හත්වෙනි කන්ද | Hathweni Kanda

පාසල් වියේදි හමු වන මිතුරන් හත්දෙනෙක් වටා ගෙතී ඇති කතාවකි.
ඔවුන් හත් දෙනා විවිධ වූ වික්‍රමාන්විත චාරිකා වල යෙදේ. එයින් ඔවුන් අතීත ශ්‍රී විභූතිය සොයා යයි. විටෙක ඔවුන් ප්‍රේතයින් හා ගැටේ.

ඔවුන්ව මෙම විවිධ වූ ක්‍රියාකාරකම් වලට සම්බන්ධ වන්නේ අපූරු ආකාරයෙනි. 

මෙම පොත නවකතාවක් ලෙස ගත් කල අසාර්ථක නිර්මාණයක් ලෙස මට සිතේ. එය නවකතාවකට වඩා කෙටි කතා සමූහයක එකතුවක් ඇයි මා කීවාට වැරදි නැත. කතුවරියට අරමුණු දෙකක් තිබූ බව මගේ අදහසයි. එකක් අතීත ශ්‍රී විභූතිය ගෙන හැර පෑම විය.අනෙක වික්‍රමාන්විච චාරිකා ඇතුලත් නවකතාවක් ලිවීමය.

මේ දෙකම හරියාකාරව සිදුවී නොමැති බව කියැයුතු ය.

එයට හේතුව කතුවරිය තුල ප්‍රබල කතා තේමාවක් නොතිබූ වම මගේ හැඟීමයි.

එසේ වුවත් සරල බස් වහරකින් ලියැවී ඇති කෘතියකි. කුතුහලයකින් යුතුව කියැවිය හැකි කෘතියක් බව පැවසිය යුතුමය. ඉහතින් දැක්වූ මගේ පුද්ගලික අදහස් වලටම පමණක් සීමා නොවී ඔබද මෙම කෘතිය කියැවා බලන්නැයි මා ඇරයුම් කරමි.


මෙම පොත පවිත්‍රා කුරුවිටආරච්චි නම් කතුවරියගේ නිර්මාණයකි.
සුරස ෆාස්ට් පබ්ලිශින් ප්‍රකාශනයකි !

මේ සමඟම  රන්ජන් අමරරත්නයන්ගේ විචාරයද කියැවා බැලීම වටී. මා ඔහුගේ අනෙකුත් විචාර හා එකඟ නොවූවද මෙම විචාරය හා එකඟ වෙමි.

රන්ජන් අමරරත්නයන්ගේ විචාරය !



Wednesday, October 23, 2013

රතුගලයායේ පොඩ්ඩා | Rathugalayaye Podda

රතුගල නම් වූ ගමක ජීවත් වන හේන් ගොවි පවුලක් වටා ගෙතී ඇති කතාවකි.

මේ ගමේ ජීවත් වූ හේන් ගොවියන්ගේ අස්වැන්න අඩු මුදලට මිලදී ගන්නා මුදලාලි කෙනෙකුට විරුද්ධව නැගී සිටින පොඩ්ඩා නම් කුඩා කොළු ගැටයෙක් පිළිබඳ ලියැවී ඇති සරල කතාවකි.

මෙම මුදලාලි මොවුන්ගෙන් අස්වැන්න කුණු කොල්ලෙට මිලදී ගන්නවා වගේම ඔවුන්ට සිල්ලර බඩු විකුණූ විට වැඩියෙන් ගනන් දමා ගසා කෑමක් සිදු කරයි. මේ ගසාකෑමට විරුද්ධව නැගි සිටියේ පොඩ්ඩා නම් වූ දහතුන් හැවිරිදි දරුවෙකි.

මේ ඔහුගේ කතාවයි.

මෙම පොත පෑ දෙක තුනක් තුල කියවා රසවිඳිය හැකි අනගි කෘතියකි. කුඩා ප්‍රමාණයේ කෘතියකි.ලොකු පොඩි කා හට උවත් එකසේ රසවිඳිය හැකි පොතකි.

මෙය ගුණසේකර ගුණසෝමගේ කෘතියක් වන අතර ගොඩගේ ප්‍රකාශනයකි.

ඔබ මෙම කෘතිය කියවා නොමැති නම් කියවා බලන්න.
ඔබේ දුවට පුතාට තිළිණ කිරීමට සුදුසු පොතකි.

Tuesday, October 22, 2013

තුම්මාසේ | Thummase

එකිනෙකට වෙනස් වූ කතා තුනක් එකම එක සිදුවීමක් වටා එකතු වීමක් සිදුවන වෙනස්ම විදිහක කතාවකි.

පලමු කතාව
ඉසබෙලා නම් වූ මහලු කාන්තාවක් වටා ගෙතී ඇත. ඈ ජීවත් වන පරිසරය, ඇගේ සුරතලුන් දෙදෙනාවූ "ඔරන්ජං" හා "සුදූ" නම් පූ පූසි පැටවු දෙදෙනාට ඈ තුල පවතින ආදරය ගැන ලියැවී ඇති කතාවකි. ඈ කාත් කවුරුවත් නැති තත්වයට පත්වීමට පෙර ඈට සේවියර් නම් වූ ස්වාමිපුරුෂයෙක් වූවාය. ඒ ඈ පාසල් වියේ සිටම ආදරය කළ පෙම්වතා ය.

දෙවෙනි කතාව
බානි නම් වූ මන්ද බුද්ධික තරුණයෙක් වටා ගෙතී ඇත. ඔහු උපතින්ම මන්ද බුද්ධික බාවයට පත්වූයේ මව් කුසේදී සිටින සමයේ තම මව විසින් ලබාගත් බෙහෙත් විස වීමකින් බව කියැවේ. බානි හා බෙන් මාමාගේ ආදරයත් බානි හා තම මෑණියන් වූ මිරාය අතර පවතින ආදරයත් මෙම කතාවෙන් විග්‍රහ කෙරේ.

තුන්වෙනි කතාව
ප්‍රභාත් හා සිය බිරිඳ වූ ගංගානි නම් වූ කාන්තාවක් වටා ගෙතී ඇත. මොවුන්ගේ එකම පුතා විදේශගතවී ඉගෙනුම ලබයි. ඒ සඳහා වියදම් වූ මුදල ඔහු ලබාගත්තේ තම වහනය ව්කිණීමෙන් ය.

මෙම කතා ත්‍රිත්වයම එක තැනකදී හමුවේ. ඒ මහරගම නගර මධ්‍යයේ සිදුවූ  රිය අනතුරකදී ය. මේ සිද්ධිය වන විය බානි දිවා සුරැකුම් මධ්‍යස්ථානයේ සිට නිවස බලා පැමිණෙමින් සිටි අතර ප්‍රභාත් ත්‍රිරෝද රථයකින් නිවස බාඅ එමින් සිටියේයා. ඉසබෙලා සුපුරුදු පරිදි මහරගම නගරයේ ඇවිදිමින් සිටියා ය.

මෙම කතාවේ පූර්වාපර සංධි ගැලපීමට ඔබට ඇරයුම් කරමි. කියැවා බලන්න.

මෙම කෘතිය භද්‍රජි මහින්ද ජයතිලකයන් රචනා කර ඇති අතර සරසවි ප්‍රකාශනයකි.
භද්‍රජි පාඨක ඔබ මෙම කෘතියද ඉතාමත් ආසාවකින් කියවනු ඇත.

බොල් පොලොව නිල් අහස | Bol Polowa Nil Ahasa

"පුතුන් හතර දෙනෙක් කියන්නේ හරියට ඇත්තු හතර දෙනෙක් වගෙ ! " මෙය ලොකු බණ්ඩේගේ පියා නිතරම වාගේ කියන්නකි. ලොකු බණ්ඩේගේ පියා හට පුත්තුම හතර දෙනෙක් විය. ලොකු එකා ලොකු බණ්ඩේ වන අතර දෙවැන්නා සියදෝරිස් වෙ. තුන්වෙන්නා රත්නපාල වන අතර හතරවැනියා ආරියසිරි වේ.

ලොකු බණ්ඩේගේ පියාගේ නම කිරිබිළින්දා වන අතර ඔහු අක්කරබාගේ ඉඩමේ හේන් ගොවිතැනෙන් ජීවත් වූ අයෙකි. ලොකු බණ්ඩේ හා ඔහුගේ බිරින්දෑ වන ඩිංගිරි මැණිකා සමග එකතු වී තම ලොකු පුතාවූ ලොකු බණ්ඩේට මනමාලියක් සෙව්වේය. එහෙත් ඒ කිසිවක් හරිගියේ නැත.

අවසානයේදි ඈ දෙවැන්නා වූ සියදෝරිස්ට මනමාලියක් බැලුවාය. අවසානයේදි ඔහු බිඟුනිකා නම් වූ රංවල ජීවත් වූ කාන්තාවක් හා විවහා විය. තම සහෝදරයා වූ සියදෝරිස් හා විසිමට බැරි තැන ලොකු බණ්ඩේ තම නිවස අතහැර වෙනත් ඉඩමක ගොවිතැන් කරමින් ජීවත් විය.

මෙලෙස ජීවත් වන ඔවුන්ට ජීවිතයේ විවිධ වූ හැල හැප්පීම් වලට මුහුණ පාන්නට සිදු වේ. ඒ සියල්ල දැන ගැනීමට නම් බොල් පොලොව නිල් අහස පොත කියවන්න.

එක හුස්මටම කියවිය හැකි කෘතියක් වන අතර 2013 ස්වර්ණ පුස්තක සම්මාන උළෙලේ අවසන් පොත් දොලසට තේරි පත්වූ කෘතියකි.

මෙය රංජිත් ධර්මකීර්ති මහතාගේ කෘතියකි.
සඛිල ප්‍රකාශනයකි !
දිවයිනේ ඕනෑම සරසවි පොත් හලකින් වුවද මෙම පොත ලබා ගත හැක.

Thursday, October 17, 2013

ප්‍රේත වස්තුව | Pretha Wasthuwa

කීරාල මුදලාලි වියෝ වීමෙන් පසුවත් තමාට තම වස්තුව පිළිබඳ ආසාව අතහැර ගැනීමට බැරිවිය. මේ නිසා ඔහු ප්‍රේතයෙකු වී සිය නිවසේම රැඳෙන්නට විය. මුලදි මුලදි සිය බිරිඳ වූ සමදරාද බියෙන් සිටියත් පසුව ඈ තුල පැවති බිය පහවී ගියා ය.

කීරාල මුදලාලිගේ මරණින් පසු ඇගේ තනි නොතනියට සිටි තේගිරිස්ද ප්‍රේතයාට බියවී මේ නිවසද අතහැර තමන් සිටි තැනට ගියේය. තේගිරිස් ද තමාව අතහැර ගිය නිසා ඈ දුකෙන් කල් ගත කලාය. මුලදාලි ජීවතුන් අතර සිටි කාලයේදි මෙන් නොව ඇගේ අතමිට පවා හිඟවිය.

කන්නට යමක්වත් නොමැති විය. මෙය දුටු ප්‍රේතයා තබ සතයේ කාසි කිහිපයක් ඈට ලබාදීමට සැලැස්වීය. මීට අමතරව රුපියල් දෙකේ කොළයක්ද ඈට ලබාදුන්නේය. ප්‍රේතයන් ලබා දෙන දේ නොගන්නා ලෙසත් එසේ ගත හොත් ප්‍රේතයා හා සමඟ යාමට සිදුවන බවත් පැවසූ පිංචි උපාසකම්මා ඒ මුදලා පුලන්නෙකුට හෝ හිඟන්නෙකුට දෙනමෙන් සමදරාය පැවසුවාය.

ඈ ද ඒ මුදල හිඟන්නෙක්ට ලබාදුන්නාය. 

මින් ටික දවසකට පසු කීරාල මුදලාලිගේ මලයෙක් යැයි කියාගන්නා කෙනෙකු ඈ හා තනි නොතනියට සිටියේය. ඔහු හා එකතු වී නවතා දමා තිබූ කඩයද නැවත පටන්ගෙන එයින් ලැබෙන ආදයමෙන් ඔවුන් ජීවත් විය.
ඔවුන්ගේ ජීවිත වලට ඉන්පසු සිදුවන්නේ කුමක් ද ?

ඉහත ප්‍රශ්නයට පිලිතුර ප්‍රේත වස්තුව නම්වූ පොතේ ඇත. ඔබත් ප්‍රේත වස්තුව කියවන්න
 ප්‍රේත වස්තුව, සේපාලි මායාදුන්නේ මහත්මියගේ කෘතියකි.
ගොඩගේ ප්‍රකාශනයකි.

මෙම පොත 2013 ස්වර්ණ පුස්තක සම්මාන උළෙලේ දෙවන වටයේ පොත් දොලසය තේරි පත්වූ කෘතියකි.

Tuesday, October 15, 2013

කාල සර්ප | Kala Sarpa

වසන්ත කුමාර නම් වූ තරුණයා ගමේ පාසලෙන් සාමාන්‍ය පෙළ විභාගයට මුහුන දුන්නේය. පසුව ප්‍රථිපල බැලීමේදි ඔහු එම විභාගයෙන් ඉහලින්ම සමත් වී ඇති අතර ඔහුගේ මිතුරිය වූ චාරුණි විභාගයෙන් අසමත් විය. මේ නිසා ඈට දුකක් ඇති වූ අතර එම දුක මදක් හෝ තුනී වූයේ වසන්ත කුමාර ඈ හට ආදරය ප්‍රකාශ කිරීමත් සමගය.

ඉන් ටික කලකට පසු ඔහු නගරයේ පාසලකට ඇතුලු වූයේ ය. එහිදී ඔහු ජීව විද්‍යා විෂය ධාරාවෙන් උසස් පෙළ හැදෑරීය. එක් විශයයක් පමණක් සමත් වී ඉතුරු විශයයන් අසමත් වූ නිසාම ඔහු නැවත වරක්ක් කළා විශය ධාරාවෙන් උසස් පෙළ හැදෑරීය. මෙම අවස්ථාවේදි ඔහු සරසවි වරම් ලබන්නට තරම් වාසනාවන්ත විය.

මින් පසු ඔහුගේ ජීවිතයත් තම ආදරවන්තියගේ ජීවිතයත් කෙසේ වෙනස් වුනි ද ?

මේ ප්‍රශ්නයට පිලිතුරක් අවශ්‍ය නම් කාල සර්ප පොත කියවන්න.

මෙම පොත කීර්ති වැලිසරගේ මහත්මාගේ කෘතියක් වන අතර සරසවි ප්‍රකාශනයකි !

2013 වසරේ ප්‍රසස්ථම නවකතාවට හිමි ස්වර්ණ පුස්තක සම්මානයෙන් පවා පිදුම් ලබන්නට තරම් මෙම කෘතිය වාසනාවන්ත විය.

එහෙත් මාගේ පුද්ගලික අදහස වන්නේ මෙම කෘතිය සම්මානයකට බඳුන් වීමට තරම් සුදුසුකම් සපුරා නැති කතා තේමාවක් රැගත් කෘතියක් ලෙසය.  මෙම කෘතිය නවකතාවක් උවත් එය කෙටි කතා එකතුවකට සෑහෙන සමානකම් දක්වයි. එසේම කතාව කිසිදු සාර්ථකත්වයක් නොමැතිව ගලාගෙන යයි.

මා මෙම කෘතිය කියෙව්වේ ඉතාමත් අලස කමිනි.

ඒ මාගේ පුද්ගලික අදහසයි. සමහරවිට එය ඔබට කදිම නවකතාවක් වනු ඇත. 

Tuesday, October 8, 2013

මග දිගට ජනකතා | Maga Digata Janakatha

මගදිගට ජනකතා නම් වූ මෙම පොතේ අඩංගුව ඇත්තේ මහනුවර කේන්ද්‍ර කොටගත් විවිධ ගම්වල සිදුවී ඇති ජනකතා හා ජනප්‍රවාද වේ. ඒ අතරම විවිධ රජවරුන් හා සම්බන්ධ ජනකතාද ඒ අතර වේ. මෙමෙ කෘතිය ලිවු ඩී.පී. වික්‍රමසිංහයන් වෘත්තියෙන් ගුරුවරයෙකි.

ඔහු ඉගැන්වීම් කල කාලය තුලදී ඒ ඒ ගම් වල පවතින ජනකතා තම පොතක සටහන් කර ගැනීම පුරුද්දක් කොටගෙන සිටි අයෙකි. ඔහු ඒ කතා සටහන් කර ගත් අතර ඉතිහාස පොත පත ඇසුරු කොටගෙන ඒ ඒ කතාවට අදාල ඓතිහාසික තොරතුරුවල සත්‍ය අසත්‍ය තාවයද තහවුරු කිරීමද සිදු කලේය.

මේ නිසා ජනකතා වලට අමතරව ඉතිහාස කතා ද ඉගෙන ගත හැකි මාහැඟි  කෘතියකි.

එකිනෙකට වෙනස් ජනකතා 50කින් යුක්ත පොතකි මෙය.එසේම කිසිදු කම්මැලිකමකින් තොරව එක දිගට කියවාගෙන යා හැකි කෘතියක් බව මා පැවසිය යුතුමය.

මෙම පොත ඩී.පී. වික්‍රමසිංහ විසින් රචනා කර ඇති අතර සූරිය ප්‍රකාශනයකි !

ඔබ මෙම පොත කියවා නොමැති නම් කියවා බලන්න.


Thursday, October 3, 2013

ඩ්‍රැකියුලා සොහොනෙන් නැගිටියි | Dracula Sohonen Nagitiy

පල්ලියේ සේවය සඳහා සිටි කොලුවා උදෑසනම පල්ලියේ සීනුව නාද කිරීම සඳහ පැමිණියේ ය. සීනුවේ ලනුව ඇද සීනුව නාද කරන විට තම අතට උනුසුම් රුධිර ධාරාවක් ගලා ආවේය. ඒ ක්ෂණයෙම ඔහු සීකු කූඩුවේ ඉහල බැලුවේය. එහෙත් ඔහුට කිසිවක් නොපෙනුන නිසා ඔහු සීනු කූඩුව මතට නැගීය.

එවිට දැක ගත හැකි වූයේ කාන්තා මල සිරුරකින් වෑහෙන රුධිරා ධාරාවක් ය. මේ දර්ශනය දුටු ඔහු බිය වී තමන්ට හැකි උපරිම වෙගයෙන් දිව්වේය.ඔහු මෙසේ දිව ගියේ ගමේ තිබු තැබෑරුම වෙතට ය. තැබෑරුමට රිංගා ගත් පසු ඔහු සිහි විකල් විය. එහි සිටි අය ඔහුට බ්‍රැන්ඩි ස්වල්පයක් බීමට දී සිහිය ගත්තද ඔහුට හරි හැටි කතා කරගන්නට නොහැකි විය.

මේ තැබෑරුම තුල පල්ලියේ පූජක තැන වූ ජුවන් ද සිටියේය.පසුව ඔහුද පල්ලියට පැමිණ සීනු කූඩුව පරික්ෂා කලේය. ඔහුටද කාන්තා මල සිරුර දැකගත හැකි විය. ඔහුද බිය වී පල්ලියෙන් පිටවී ගියේය.

පසු දිනක පල්ලියේ කටයුතු සොයා බැලීම සඳහා අර්නස්ට් පියතුමා මෙම පල්ලිය වෙතට පැමිනෙයි. දිනෙන් දින වල් වැවී ඇති පල්ලිය දුටු අර්නස්ට් පියතුමාගේ කෝපය ඉහවහා යයි. ඔහු වහාම ජුවන් පියතුමා සොයා යයි.

ඉන්පසුව සිදු වන්නේ කුමක් ද ?

ඩ්‍රැකියුලා සොහොනෙන් නැගිටියි. කියවන්න. මෙය Dracula has risen from the grave නම් ත්‍රාසජනක චිත්‍රපටිය ඇසුරු කරගෙන ජයශංඛ කරුණාරත්නයන් විසින් රචිත කෘතියකි.


ත්‍රාසය භීතිය හා කුතුහලය නො අඩුවම ගැබ් වී ඇති එක හුස්මටම කියවාගෙන යා හැකි අගනා කෘතියකි.

මෙම පොත දයාවංශ ජයකොඩි ප්‍රකාශනයකි !

Thursday, September 26, 2013

යාය තුන | Yaya Thuna

බණ්ඩාර හොඳින් ඉංග්‍රිසි ඉගෙන ගත් නුවර පාසලක ඉගෙනෙ ගත් අයෙකි. එහෙත් ඔහුගේ පාසල් ගමන කඩාකප්පල් වූයේ තම පියාගේ වියෝවත් සමඟ ය. තම පාසල් ගමනට වියදම් කිරීම සඳහා අවශ්‍ය කරන මිල මුදල් තම මෑණියන්ට හොයා දීමට ඈ අපොහොසත් විය. මේ නිසාම ඔහු තම පියාගේ වතුපිටි වල වැඩපල කරගෙන සිටියේය.

කාලයත් සමඟම ඔහු හීං මැණිකා මවු අයෙක්ව විවාහ කර ගත්තේ ය.

මේ දෙදෙනාට මුතු මැණිකේ නම් දුවක්ද වූයේ ය. මෙලෙස ඔවුන් සතුටින් ජීවත් විය. බණ්ඩාරද ගෙදර කටයුතු මෙන්ම ගමේ පොදු වැඩවලටද ක්‍රියාකාරීව සහභාගි වු අයෙකි. එසේම ගමෙහි කොමිටියේ සබාපති කමද බණ්ඩාර දැරුවේය. ගමේ පොදු වැඩපල හොඳින් කරගෙන ගිය අයෙකු නිසා ගම්මුන්ට බණ්ඩාරව නැතිවම බැරි අයෙක් වූයේ ය.

දිනක් බණ්ඩාර ගෙදරින් පිට ගමනක් ගොසින් නැවත නාවේ ය. හීං මැණිකා සහ මුතු මැණිකා හුලුඅතුද පත්තු කරගෙන බණ්ඩාර සෙවීය.මේ යන අතරමගදී ගහක් යට බණ්ඩාරව මරා දමා ඇති අයුරු ඔවුන් දෙදෙනාට දැක ගත හැකි විය.

එතැන් පටන් කතාව කියැවීමට ඔබට බාරයි....

මෙම පොත චම්මින්ද වෙලගෙදර මහත්මයාගේ කෘතියකි.  එසේම 2004 වර්ෂයේ ඩී. ආර්. විජේවර්ධන අනුස්මරණ සම්මානය හිමිකරගත් නවකතාවකි.
ෆාස්ට් පබ්ලිශින් ප්‍රකාශනයකි !

පහතින් දක්වා ඇත්තේ එම පොතෙන් උපුටාගත් කොටසකි.

"මගේ අපුච්චයි අම්මයි එක්ක හිටපු ගේ. අපට දරු පැටියෙක් ලැබුනු ගේ. මට අද මගේ අපුච්චත් නෑ. අම්මත් නෑ. බාලේ ඉදන් හැදුනු තැනත් නෑ. ඉන්නේ ඔය ඇත්තෝ විතරයි.......පපු කැනැත්තේ ඇති වෙච්ච ඇයි හොඳයි කමට වෙනසක් නම් කරන්ඩ එපා මගේ අප්පෝ. මොන දුකක් ආවත් දරුවත් මාවත් බලාගෙන ගන්ඩ.අනුරාධපුරෙන් එහාට මං ගෙහුං නෑ ඕං"

Sunday, September 22, 2013

උපාධිය | Upadhiya

සංගපාල යනු කොස්තෝදර හාමිනේගේ එකම පුතා ය. ඈ ඔහුට උගන්වන්නේ තම දේපල වතුපිටි බලා කියාගෙන සිටීමට නොව ඈගේ සසර ගමන කෙලවර කර ගැනීම සඳහා සාසනයට පූජා කිරීම පිනිස ය. මේ නිසා කුඩා කලදී පවා මේ සංගපාලට නාමශ්ඨ ශතකය, බෞද්ධ ඇදහිල්ල වැනි පත පොත කියැවීමටත් තම සාදු අයියාගේ ඉගැන්වීම් වලටත් යොමු වීමට සිදු විය.

මේ නිසාම ඔහු වයස දහ අට වන විටත් පස්වන පන්තියේම රැඳී සිටීමට සිදු විය.ඔහුට වඩා දින තුනකින් වැඩිමල් වූ අනුලක්කා අටේ පංතියත් පසු කරමින් උන්නා ය.

දිනක් සංගපාලගේ මෑණියන්ට තම නෑදෑයකු වන විට්ටෙල් ගේ පුත් හාමුදුරුවන් ශාසනයේ සිට සිදු කරන අවැඩ අහන්නටත් දකින්නටත් සිදු විය. මේ නිසා තම පුතාව ශාසනයට බාරදිමට ඈ මැලි විය. මෙතැන් පටන් ඔහුව යොමු කලේ ඉඩකඩම් බලා කියා ගන්නට හා ඒවා වැඩි දියුණු කරවීමට ය.

පසු කලකදී ඔහු  උඩුගමින් රබර් වත්තක් මිලදී ගත්තේ ය. ඔහුගේ මෑනියන් ඉඩමක දෙමහල් සාප්පු සංකීර්ණයක් ඉදි කලා ය. එසේම ඔවුන් පදිංචිව සිටි නිවසද අළුත් වැඩියා කිරීමට අමතක නොකලේ ය.

මේ අතරතුර කාලයේදී අනුලා සිය අධ්‍යාපන කටයුතු හොඳින් සිදු කරගෙන ගුරුවරියක ලෙස කැන්දලියැද්ද පාසලට පත්වීමක් රැගෙන ආවා ය.

මෙතැන් පසු කතාව කියැවීම ඔබට බාරයි.


මෙම පොත වැවදෙණියේ ඇල්. ඩී. මැන්දිස් මහතා විසින් 1966 වසරේදි රචිත පොතකි. මෙම පොතේ දෙවන මුද්‍රණය සිදු කල ඇත්තේ 2012 වසරේදි නිසා එතරම් අපහසුවකින් තොරව මේ පොත හොයා ගත හැකිය. මෙය සූර්ය ප්‍රකාශනයකි. !

Wednesday, September 18, 2013

එතෙර නිධානය | Ethera Nidhanaya

නංගි කෙනෙක් සහ මල්ලි කෙනෙකුගෙන් යුත් පවුලේ වැඩිමලා නිමල් ය. නිමල්ගේ අම්මා කරුණාවතිය. ඈ රබර් කිරි කැපීමෙන් ලැබෙන සොච්චමෙන් දරු පවුල නඩත්තු කරනීය. තම පියා වූ හරමානිස් මෙලොව හැර ගොසින් ය.

අම්මා ලෙඩ වීම නිසා පවුලේ  සියල්ලෝම අසරණ වූවේ ය. මේ නිසාම නිමල් තම පාසල් ගමන නවත්වා රැකියාවක් සොයා ගැනීම පිණිස වික්‍රමසිංහ මහතා හමුවීමට ඔහුගේ වලව්වට ගියේය. වික්‍රමසිංහ මහතා වෘත්තියෙන් වෛද්‍යවරයෙකි.

වික්‍රමසිංහ මහතා තම මිතුරා වූ වර්නන් මහතාට ද මේ බව පවසා ඔහුට රැකියාවක් ලබා දුන්නේය. ඒ වර්නන් මහතාගේ නිවසේ වැඩපල කිරීමය. නිමල්ද වර්නන් මහතාගේ හිත දිනාගෙන ගෙදර වැඩපලද හොඳින් කරගෙන ජීවත් විය.

දිනක් වර්නන් මහතා හමු වීමට නාදුනන මිනිසුන් තිදෙනෙක් පැමිණියේය.

ඔවුන් කවුරුන්ද ? ඔවුන් වර්නන් මහතා හමුවීමට පැමිණියේ කුමක් සඳහා ද ?

කියවන්න එතෙර නිධානය !
මෙම පොත අයිරා තුෂාණි කරුණාරත්නගේ කෘතියකි. එසේම පැය දෙක තුනක් ඇතුලත එකදිගටම කියවිය හැකි සරල කතා තේමාවකින් යුක්ත පොතකි. එසේම පිටු සියයකින් යුක්ත පොතකි.

මෙම පොත සුභා ප්‍රකාශනයකි.

සන්තියාගෝ නම් සැරිසරන්නා | The Alchemist

සන්තියාගෝ නම් වු ළමයා කුඩා කල සිට ආසා කරන්නේ සංචාරයේ යෙදීමට ය. හැමතැනකම වාගේ සංචාරය කිරීමට නම් ඔහු මුදල් හදල් යහමින් ඇති අයෙකු විය යුතු ය. එසේත් නැත්නම් ඔහු එඩේරකු විය යුතු ය. මේ දෙකෙන්ම ඔහු තෝරා ගන්නේ එඩේරකු වීමයි. තවද ඔහුට බැටළු රැලක් මිලදී ගැනීමට අවශ්‍ය වන මුදල් සිය පියාගෙන් ලැබුනි.

මේ නිසා ඔහු සිය බැටලු රැල දක්කාගෙන තැනින් තැනට සැරිසරමින් ජීවත් විය.

දිනක් ඔහුට වයසක කාන්තාවක් මුණ ගැසිනි. ඈ සාස්තරකාරියකි.  සැන්තියාගෝ කිහිපවිටක් දැක ඇති හීනයක තේරුම ඇයගෙන් විමසා සිටියි. තමාට ඊජිප්තුවේ පිරමීඩ අසලින් නිධානයක් ලැබිය හැකි බව ඈ පවසා සිටියා ය. තවද එම නිධානයෙන් දහයෙන් පංගුවක් ඈට ලබා දිය යුතු බවත් ඈ පවසා සිටියා ය.

හීනයට අනුව ඔහු තම ඉරණම් ගමන සඳහා පිටත් වෙයි.

ඔහුට නිධානය ලබා ගත හැකි වේද ?

මෙය හුදෙක් සරල කතාවක්ම නොවේ. තම ඉරණම සොයා යන්නෙකුගේ ජීවිත කතාවක් ලෙස හුවා දැක්වුවාට වරදක් නැත. මිනිසාව ජීවත් කරවන්නේ බලාපොරොත්තු ය. එයින් සමහර බලාපොරොත්තු ඉටු කර ගත හකි වන අතර සමහර ඒවා ඉටු කර ගත නොහැකි ඒවා වෙයි. තවත් සමහරක් ඉටු වූවාට පසු ජීවිතේ ඉතුරු හරිය බලාපොරොත්තුවක් නැතුවම ගත වන බව පසක් කරන කතාවකි.

මෙම කෘතිය බ්‍රසීල ලේඛක පවුලෝ කොයියෝ විසින් රචනා කර ඇති අතර චූලානන්ද සමරනායකගේ ප‍රිවර්තනයකි.


මෙය විදර්ශන ප්‍රකාශනයකි. !

ගුරු සේවයේ රස කතා 2 | Guru Sewaye Rasa Katha 2

මෙය කෙටි කතා සංග්‍රහයක් ලෙස හැඳින්වූවාට වරදක් නැත.පියසේන කහඳගමයන් ඔහුගේ ගුරු සේවයේදී ඇසූ දුටූ කතා එකතු කොට නිර්මාණය කරන ලද පොතෙහි දෙවන කොටස මෙය වේ. එකල අධ්‍යාපන ඇමතිව සිටියේ ඊරියගොල්ල මැතිතුමන් ය.

එතුමන්ගේ කාලයේ සිදුවූ කතා මෙම පොතේ අඩංගුව ඇත. එක හුස්මටම කියවාගෙන යා හැකි කෘතියකි.


මෙය ගොඩගේ ප්‍රකාශණයකි.ඔබත් කියවා නැත්නම් කියවා බලන්න.

පසුව ලියමි - මෙම පොතෙහි එන කතාවක් කියවන්න මෙතන ක්ලික් කරන්න

Tuesday, September 17, 2013

දිගාමඩුලු ගුරු ගීතය | Digamadulu Guru Geethaya

එක්තරා තරුණයෙකු තම මාමණ්ඩියගේ ගුවන් විදුලි යන්ත්‍රය අළුත්වැඩියා කිරීම සඳහා නාවලපිටියේ මමීලෑ ගෙදර යයි. එහිදි ඇතිවූ කතා බහකදී ඔහු කෙරෙහි ගුරු වෘත්තිය කෙරෙහි ආසාවක් හට ගනී. දවද ඒ කාලයේදි රටේ විවිධ පලාත්වල පුද්ගලිකව පවත්වාගෙන යන පාසල් රජයට පවරාගෙන එහි ගුරුවරු රජයේ ගුරු සේවයට අනුයුක්ත කිරීමේ වැඩ පිලිවෙලක් විය.

මේ නිසා ඉහත කී තරුණයාගේ සිතෙහිද පාසලක් පවත්වාගෙන යාමට සිතුවිල්ලක් ඇති විය. මේ සිතුවිල්ල ඔහු තම දෙමව්පියන්ට පැවසූවද පියා දැඩි ලෙස විරුද්ධ විය. නමුත් මෙම තරුණයාගේ මව මීට කැමැත්තක් දැක්වීම නිස ඔහු  ජයමාලපුර ප්‍රදේශයේ පන්සලක පොඩිවට පාසලක් පටන් ගනී.

ඔහු පාසල පවත්වාගෙන ටික කලක් යනවිට රජයට පවරා ගැනීම සඳහා ඉල්ලුම් කළේ ය. පාසල රජයට පවරා ගැනීමට නම් වෙනම ඉඩමක වූ ගොඩනැගිල්ලක පාසල පවත්වාගෙන යා යුතු බව රජයේ නිවේදනයේ සඳහන් විය. මේ නිසා මෙම තරුණයා මහත් අසීරුතාවයකට පත් විය. නමුත් ඔහු මෙම වෑයම අත්හලේ නැත.

ඔහු ප්‍රදේශයේ ධනවතුන් සොයා ගියේ ය. ඒ පාසලට ඉඩමක් පරිත්‍යාග කිරීමට හැකි දැයි දැනගැනීම සඳහාය. ඔහු මෙසේ ධනවතුන් කිහිපදෙනෙකු සොයා ගිය ගමනේදි අක්කරයක පමණ ඉඩමක් පරිත්‍යාග කිරීමට කැමති ධනවතෙකු කැමැත්ත දැක්වී ය.

මෙයින් උද්දාමයට පත් වූ තරුණයා, ගමේ මිනිසුන් සමග එකතු වී පාසල සඳහා ගොඩනැගිල්ලක්  තනා එහි පාසල පවත්වාගෙන ගියේ ය.

 මේ තරුණයා වෙනකෙකු නොව මෙම පොතෙහි කතෘ ගුණශීල අඹවත්තයන් වේ. ඉහත සැකවින් දක්වා ඇත්තේ දිගාමඩුලු ගුරු ගීතය පොතෙහි මුල් පරිඡේදය තුල සඳහන් කතාව වේ.

ඉන්පසු කතාවේ සිදු වන්නේ කුමක්ද ? කියවන්න අපේම ගුරු ගීතය ! 

දිගාමඩුලු ගුරු ගීතය හුදෙක් නවකතාවක්ම නොවේ. මෙය අඹවත්තයන්ගේ ස්වයං චරිතාපදානයක් ද වෙයි. එසේම සැබෑ ගුරුවරයෙකුගේ අත්දැකීම් ඇතුලත් මාහැඟි කෘතියකි.

සෑම ගුරුවරයෙකුම කියැවිය යුතු කෘතියක් ලෙස මා මෙම පොත හඳුන්වා දීමට කැමති ය.

ග්‍රන්ථ නාමය - දිගාමඩුලු ගුරු ගීතය
ලේඛකයා -  ගුණශීල අඹවත්ත
පිටු -  247ක් වේ.
ග්‍රන්ථ අංකය -ISBN  955-5280-60-6
ප්‍රකාශකයෝ - කතෘ ප්‍රකාශණයකි.

 
මෙම පොත ගුණසේන, සරසවි පොත් හල් වලින් ලබා ගත හැකි ය. පොත සොයා ගැනීමට අපහසු නම් පහත අංකයෙන් ගුණශීල අඹවත්තයන් අමතන්න.
ගුණශීල අඹවත්ත -  071 80 16 632

පසුව ලියමි - දිගාමඩුලු ගුරු ගීතය පිළිබඳ දයා දිසානායකයන් ලියූ විචාරය කියවන්න මෙතන ක්ලික් කරන්න. 

Saturday, September 14, 2013

ස්වර්ණ පුස්තක සම්මානය 2013 | Swarna Pusthaka Award 2013

හැම අවුරුද්දකම වගේ ජාත්‍යන්තර පොත් ප්‍රදර්ශනයට සමගාමිව පවත්වන වසරේ ප්‍රසස්ථම නවකතාවට හිමි ස්වර්ණ පුස්තක සම්මාන උළෙලේ මෙවර අන්තිම වටයට නිර්දේශිත පොත් 5ක් ගැන පසුගිය ලිපියක මා සඳහන් කලා මතකයි නේ.

එම පොත් පහෙන්ම ජයග්‍රාහි  පොත පසුගිය සැප්තැම්බර් 10 වෙනිදා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ පැවති උත්සවයේදි ප්‍රකාශයට පත් කලා !

මෙවර ස්වර්ණ පුස්තක සම්මානයට හිමිකම් කියන්නේ  කීර්ති වැලිසරගේ විසින් රචිත "කාල සර්ප" නවකතාවයි !

කීර්ති වැලිසරගේ මහතාට මගේ උනුසුම් සුබ පැතුම් !

අවසන් වශයෙන් මා කියයුතු දෙයක් ඇත.එනම් මෙම සම්මාන උළෙලෙදි කාල සර්ප නවකතාවට සම්මානය හිමි වීම ගැන මගේ කිසිදු පැහැදීමක් නැත.මන්දයත් මේ පොත එතරම් සාර්ථක පොතක් ලෙස මා දකින්නේ නැත.

මීට වඩා සෙංකොට්ටං පොත හොඳ යැයි මගේ සිතුවිල්ලයි !

Tuesday, September 10, 2013

සඳුන් සුවඳ | Sandun Suwanda

සඳුන්ගේ අම්මා, සඳුන්වයි එයාගේ තාත්තවයි තනිකරලා මේ ලෝකේ හැර යන්නේ සඳුන්ට අවුරුදු 4ක් විතර පුංචි අවදියේයි. ඒ කාලේ ඉදන්ම සඳුන්ව බලා කියාගන්නේ සඳුන්ගේ ආච්චි අම්මා. ආච්චි අම්මා වයස නිසා එයාට ඒ හැටි වැඩක් පලක් කරන්න අමාරුයි.

සඳුන්ගේ අම්මා නැති වෙලා අවුරුද්දේ දානේ දීලා සතියකට විතර පස්සේ සඳුන්ගේ තාත්තා පුංචි අම්මා කෙනෙක්ව ගෙදර ගේනවා. මුලදි මුලදි මේ පුංචි අම්මා සඳුන්ට ආදරෙන් හිටියත් පහු පහු වෙනකොට මේ ආදරේ ටික ටික අඩු වෙනවා.

පුංචි අම්මා සඳුන්ට වෙනස්කම් කරන්න පටන් ගන්නවා. සඳුන්ට කියලා ගෙදර දොරේ වැඩපල කරගන්නවා. මේ වෙනස්කම් කිරිල්ල ගොඩක්ම වැඩි උනේ පුංචි අම්මට පුතෙක් උපන්නට පස්සේ. පුතාගේ වැඩත් මේ සඳුන්ට කරන්න සිද්ධ වෙච්ච නිසා සඳුන්ගේ ඉස්කෝලේ ගමනත් කඩා කප්පල් වෙනවා.

මුලදි මුලදි බැනුම් වලින් නැවතුන පුංචි අම්මා, පස්සේ පස්සේ සඳුන්ට දඩුවම් කරන්නත් පටන් ගන්නවා. මේ නිසාම සඳුන්ට ගෙදර ඉදිල්ලත් එපා වෙනවා. දිනක් උදෑසනම සඳුන් ගෙදරින් පිට වෙලා කෝච්චියෙන් කොළඹ එනවා.

ඉන්පසු සිදු වන්නේ කුමක්ද ? කියවන්න සඳුන් සුවඳ !

පාසල් යන වයසේ ළමුන්ට ආදර්ශයක් ගත හැකි ළමා නවකතාවකි, සඳුන් සුවඳ.

ග්‍රන්ථ නාමය - සඳුන් සුවඳ
ලේඛකයා -  යසවර්ධන රුද්‍රිගු
පිටු -  187ක් වේ.
ග්‍රන්ථ අංකය -ISBN  955-2014-41-7
ප්‍රකාශකයෝ - ඇස්. ගොඩගේ සන සහෝදරයෝ  ප්‍රකාශණයකි.


පරණ පොතක් නිසා සොයා ගැනීමේ අපහසුතා ඇති විය හැක. ඒ නිසා ගොඩගේ පොත් මැදුරෙන් විමසා බැලීම වටී.

Sunday, September 8, 2013

සංසාරාරණ්‍යයේ දඩයක්කාරයා | Sansararanye Dadayakkaraya

දඩයක්කාරයා ජීවත් වූයේ නවගත්තේගමට වඩා ගවු ගණනක් ඈත වනාන්තරයේ ය. ඔහුව මේ වනාන්තරයට ගෙන ආවේ වෘක්ෂ දේවතාවෙකි.ඒ ඔහුගේ පුංචි අවධියේ ය. එකල්හි ඔහු "ගොලු පුංචා" ය. ගොලු පුංචාව සංසාරාරණ්‍යයට ගෙන ආවේ එහි භාරකාරත්වයට ය.

ගොලු පුංචාට මෙම සංසාරාරණ්‍යයේ භාරකාරත්වය ලැබෙන්නේ වනාන්තරයේ විසූ හාමුදුරුවන්ගෙන් ය. මෙම වනාන්තරයේ නිධාන සතක් වෙයි. එසේම සභ්‍යත්ව හතක් ද වේ. මේ සියල්ලේ භාරකරු ගොලු පුංචා ය.

ගොලු පුංචා දඩයක්කාරයා වන්නේ එක්තරා සිදුවීමකට පසු ය.

දිනක් මේ වනාන්තරයට නිධන් සොරුන් පැමිණේ. ඒ ගල් ගුහාවක ඇති නිධානයක් ගැනීම සඳහා ය. ඔවුන් බිලි දීම සඳහා කන්‍යාවක් ද රැගෙන ආවෝ ය. ගල් ගුහාවේ සිටි බහිරවයාට මතුරා ඔහුව අඩපණ කර නිධානය ගන්න සූදානම් විය.එහෙත් ඔවුන්ට නිධානය ගන්නට ලැබුනේ නැත.

පසුව ගොලු පුංචා කන්‍යාව ද බේරාගෙන වනාන්තරයට ගියේ ය.

එතැනින් පසුව කතාව කියැවීම ඔබට බාරයි.ඉහතින් දක්වා ඇත්තේ සංසාරාරණ්‍යයේ දඩයක්කාරයා පොතේ එන කතාවෙන් කොටසකි.

 ග්‍රන්ථ නාමය - සංසාරාරණ්‍යයේ දඩයක්කාරයා
ලේඛකයා -  සයිමන් නවගත්තේගම.
පිටු -  94ක් වේ.
ග්‍රන්ථ අංකය -ISBN  955-6771-38-1
ප්‍රකාශකයෝ - ෆාස්ට් පබ්ලිශින්  ප්‍රකාශණයකි.


පහතින් දක්වා ඇත්තේ පොතෙන් උපුටා ගත් කොටසකි.

දඩයක්කාරයා ඇය අත හැරියේ ය. ඔහු විස්මයෙන් ඇලළී දෑස පිහිදා බැලුවේ ය.සලිත වී ගිය බෙරකාරයාගේ දුව කොයිබ ද ? ගල් කන්ද පැලී විවර වන්නට ගිගුම් දීගෙන ගැසූ බෙරය කොයි ද ? බෙරකාරයාගේ දුව දණින් වැටී බෙරය බදාගෙන සිටියා ය.

"මා වෙත එව දැරිය !"

ඈ බෙරය අත හැරියා ය. එය පෙරලී ගොස් ගල් බෑවුම දිගේ පහලට වැටීවනාන්තරයේ ගස් මුදුන් උඩට වැටෙනවා බොල් හඬින් ඔහු හැඳින්නේ ය.

නවගත්තේගමයන්ගේ පොත් වලට ප්‍රිය කරන ඔබ අනිවාර්යෙන්ම මෙම කෘතිය කියවා ඇති බවට සැකයක් නැත. ඔබ කියවා නැත්නම් කියවා බලන්න. :) 

Thursday, September 5, 2013

දඩයක්කාරයාගේ කතාව | Dadayakkarayage Kathawa

දඩයක්කාරයාට ගමේ මිනිසුන් සැලකුවේ පස් පවින් කරවටක් ගිලී සිටින අයෙකු ලෙස ය. නමුත් ඔහු අනෙක් මිනිසුන් මෙන් නොව සුරා සූදුවෙන් තොර ය. මුසවාදයෙන් ද තොර ය.  ඔහු කරන එකම වරද නම් සතුන් මැරීම ය. ඔහු සතුන් මැරුවද එහි සැලකිය යුතු තරම් මස් වලදන්නේ ගමේ මිනිස්සුන් ය.

මෙලෙස කලක් ගත වන විට දඩයක්කාරයාට ගෝමරීගෙන් පණිවිඩයක් ලැබේ. ඒ ඇයගේ හේනට ගොඩ වදින ගෝනෙකු එලවා දැමීම සඳහා ය.ගෝනාට අටවන ලද තුවක්කුව පත්තු වී ගෝමරීගේ මිනිහාත් ගෝමරීත් මිය යයි. පසුව මේ දෙදෙනාගේ පුතා වන පොඩිකන්දය පැලේ තනිවේ. මේ අල්ලපනල්ලේ පොඩිකන්දයා රංකිරී නම් වූ කෙල්ලක තම අඹුවට ගෙන තම පැලේ ජීවත් වෙයි.

පසුව දඩයක්කාරයා, ගෝමරීගේ පුතාට දඩයම් කිරීම උගන්වයි. පොඩිකන්දයා ද දඩයක්කාරයා මෙන්ම ශූර දඩයක්කාරයෙකු බවට පත් වේ.

මේ ඔවුන්ගේ කතාව ය. ඉතිරිය කියැවා බැලීම ඔබට බාරයි.

සයිමන් නවගත්තේගම පාඨක ඔබ මෙම කතාව ඉතාමත් ආශාවෙන් කියවා බලනු ඇතැයි මා සිතමි. මෙහි මතුපිටින් කියැවෙන කතාවට වඩා ගැබුරින් කියවා බලන්නේ නම් ඉතාමත් වටින බව මගේ සිතුවිල්ලයි.

 ග්‍රන්ථ නාමය - දඩයක්කාරයාගේ කතාව
ලේඛකයා -  සයිමන් නවගත්තේගම.
පිටු -  158ක් වේ.
ග්‍රන්ථ අංකය -ISBN  955-6770-53-7
ප්‍රකාශකයෝ - ෆාස්ට් පබ්ලිශින්  ප්‍රකාශණයකි.




මෙම පොත ඔබ කියවා නැත්නම් කියවා බලන්න.
ඕනෑම සරසවි පොත් හලකින් වුවද මෙම පොත ලබා ගත හැක.

සසර සරන්නෝ | Sasara Saranno

සුන්දරම් හා තංගමනී යුවල ගඟ අසල පිහිටි දුගී පැලක ජීවත් වූ දෙදෙනෙකි. ඔවුන්ට ජානකී නම් වූ දුවක් ද රංගනාදන් නම් වූ පුතෙක්ද සිටියෝය. මේ සියළුම දෙනා ජීවත් වූයේ සුන්දරම්, යකඩ කෑලි විකුණා ලැබෙන ආදායමෙනි. තංගමනී දරුවන් දෙදෙනාද රැකබලාගෙන ගෙදර දොර වැඩ කටයුතු කරමින් කාලය ගත කලා ය.

දිනක් සුන්දරම් දෙමල කෝලහාලයකට මැදි විය.උරණ වූ සිංහලයන් සුංදරම්ගේ ඇඟට පෙට්‍රල් වත් කර ගිනි තිබ්බේ ය. මේ සිදුවීම් සියල්ල ඔහුගේ පවුලේ අය ඉමහත් ශෝකයකින් බලා සිටියෝ ය.

සුන්දරම්ගේ අකල් වියෝවත් සමග ඔහුගේ පවුලේ සියළු දෙනාම යාපනය බලා පිටත් විය.

එතකින් සුන්දරම් හා තංගමනිගේ කතා පුවත සහිත පරිච්ඡේදය අවසාන වේ.ඉන්පසු පටන් ගැනෙන්නේ වික්ටර් හේනේගමගේ සහ මල්ලිකාගේ කතා පුවත සහිත පරිච්ඡේදය වේ. ඉන් අනතුරුව ලයනල්ගේ සහ අනුලාගේ ආදර අන්දරය දිග හැරේ.

මෙම කතාව විවිධ පරිච්ඡේද වලට වෙන් වූවත් සංසාරික ලෙස අප වියෝජනය නොවී පවතින බවත්  එක් ආත්මයක දෙමල ජාතිකයෙක් ලෙස ඉපිද තවත් ආත්මයක සිංහලයෙකුව ඉපිද මියෙන සංසාර චක්‍රයක කොටස් කරුවන් බව කියාපාන නවකතාවකි.

මෙම එක් එක් චරිත පෙර ආත්ම වල කවුරුන් ලෙස සිටියා දැයි  කියාපාන අපූරු නවකතාවකි. තව ද මෙම නවකතාව පරිච්ඡේද ලෙස වෙන්වී තිබුණද අවසානයේ එක් එක් චරිත එකතු වී සංසාර චක්‍රය සම්පූර්ණ කරයි. මේ නිසා පාඨකයා තුල පවතින කුතුහලය කතාවේ අන්තිම පරිච්ඡේදය කරා යනතෙක් සුරැකිව පවති.

 සසර සරන්නෝ කෘතිය භද්‍රජි මහින්ද ජයතිලකයන් විසින් රචිත භීෂණ නවකතා වලින් එකකි. එසේම එක හුස්මටම කියවාගෙන යාම සඳහා පාඨකයාව පොලබවන කෘතියක් බව මා පැවසිය යුතුමය.

ග්‍රන්ථ නාමය - සසර සරන්නෝ
ලේඛකයා -  භද්‍රජි මහින්ද ජයතිලක
පිටු -  120ක් වේ.
ග්‍රන්ථ අංකය -ISBN  955-5911-49-2
ප්‍රකාශකයෝ - ස්ටැම්ෆර්ඩ් ලේක් ප්‍රකාශණයකි.


භද්‍රජි පාඨක ඔබ මේ පොත ඉමහත් ආසාවෙන් කියවනු ඇතැයි මා සිතමි.
දිවයිනේ ඕනම සරසවි පොත් හලකින් හෝ ස්ටැම්ෆර්ඩ් ලේක් පොත් හල් වලින් ලබා ගත හැකි ය.

Tuesday, September 3, 2013

2013 වසරේ ස්වර්ණ පුස්තක සම්මානයට පෙර | Before the Swarna Pusthaka Award

මේ සැප්තැම්බර් මාසයයි !

සැප්තැම්බර් මාසය කිව්වහම පොත් කියවන අපිට මුලින්ම මතක් වෙන්නේ සාහිත්‍යය මාසය කියලා.ඊට පස්සේ මතක් වෙන්නේ කොළඹ අන්තර්ජාතික පොත් ප්‍රදර්ශනය ! ඊට පස්සේ මතක් වෙන්නේ පොත් ප්‍රකාශකයින්ගේ සංගමය විසින් පොත් ප්‍රදර්ශනයට සමගාමිව පවත්වන ස්වර්ණ පුස්තක සම්මාන උළෙල.

ඉතින් මෙදාපාරත් ස්වර්ණපුස්තක සම්මාන උළෙලේ අන්තිම වටයට පොත් පහක් තේරි පත්වෙලා තියෙනවා. මුලින්ම ඒ ටික කියලා ඉන්නම්කෝ.

1. අත අත නෑර - සුමිත්‍රා රාහුබද්ධ (ෆ්ලැට්ෆෝම් ෆෝ ඕල්ටර්නේටිව් කල්චර් ප්‍රකාශකයෝ)
2. කාල සර්ප - කීර්ති වැලිසරගේ (සරසවි ප්‍රකාශකයෝ)
3. කන්දේ වීදිය - කපිල කුමාර කාලිංග (කිංකිණි ප්‍රකාශකයෝ)
4. සෙංකොට්ටං - මහින්ද ප්‍රසාද් මස්ඉඹුල (සන්ථව ප්‍රකාශකයෝ)
5. තැප්පා සේම ගිනි - සමරවීර විජයසිංහ (සූරිය ප්‍රකාශකයෝ)



ඔන්න ඔය පොත් ටික තමයි අන්තිම වටයට තේරීපත් වෙලා තියෙන්නේ.

ඔතන තියෙන ලිස්ට් එකෙන් මුල් පොත් දෙක ඇරෙන්න ඉතුරු පොත් තුන මම කියවලා තියෙනවා ඒ අතරින් නම් සෙංකොට්ටං පොත ගොඩක්ම හොඳයි. ඒ නිසා ඒ පොතට සම්මානය ලැබේවි කියලා හිතනවා.  ඒත් ෂුවර් නෑ. බලමු නෙහ් :)

හැබැයි තව දෙයක් තමා ස්වර්ණ පුස්තකේ ලැබුණා කියලා ඒ අවුරුද්දේ හොඳම පොත ඒකමයි කියලා කියන්න නම් අමාරුයි.  ඊට වඩා හොඳ පොත් තියෙන්න පුලුවන්. ඒ නිසා මේ රාමුවට කොටු වෙන්නේ නැතුව තමන්ගේ තේරීම් කරනවනම් තමා වඩාත්ම හොඳ.

මේ මාසේ ඒ කියන්නේ සැප්තැම්බර් මාසයේ 10 වෙනිදට තමයි සම්මාන උළෙල පවත්වන්නේ. අන්න එදාට අපි බලාගම්මු මොකද්ද 2013 වසරේ ප්‍රසස්ථ නවකතා කියලා. එතකන් බලාපොරොත්තු සහගතව ඉමු.

 එහෙනම් මං ගිහින් එන්නම් ! ජයවේවා !

Monday, September 2, 2013

ගොඩගේ පොත් ප්‍රදර්ශනය | Godage Bargain Book Sale

දවසක් වැඩ ඇරිලා යනකොට මරදාන ගොඩගේ පොත් සාප්පුව ඉස්සරහා සීයේට 50% ඉදලා 80% ඩිස්කවුන්ට් දෙන ප්‍රදර්ශනයක් ගැන පෝස්ටර් එකක් දැක්කා. ඉතින් පොත් වලට ආස කරන මට මේ ප්‍රදර්ශනේ බලලා එන්න ඕන කියල ආසාවක් ඇති උන.එදා නම් වෙලාව තිබ්බේ නැති නිසා ප්‍රදර්ශනේ බලන්ඩ උනේ නෑ.

පහුවදා ටිකක් කලින් වැඩ ඇරිලා ඇවිත් ගොඩගේ පොත් සාප්පුවට ගොඩ උනා. ඔය කියන පොත් ප්‍රදර්ශනය තියෙන්නේ පලමු මහලේ.පලමු මහලේ වෙනම පැත්තකට වෙන්ඩ තමා ඔය ප්‍රදර්ශනේ තියෙන්නේ. අළුත්ම පොත් නම් නෙවෙයි. ටිකක් විතර පරණ පොත් තමයි ප්‍රදර්ශනයේ තිබ්බේ.

දන්න විදිහට කියනවා නම් බාගේන් බුක් සේල් එකක් !

ඉතින් නිවාඩු පාඩුවේ පොත් අතර සැරිසරනකොට පරණ උනත් හොඳයි කියන පොත් ටිකක් හොයා ගන්න පුලුවන් උනා. නවකතා කෙටි කතා පොත් අතර උසස් පෙළ විශ‍ය නිර්දේශයට අදාල පොත පතත් බොහොම අඩුවට තිබ්බා.

මං පැයක් දෙකක් ගත කරලා පොත් අටක් විතර තෝර ගත්තා. ඒ ටිකත් අරගෙන බිල ගෙවන්න පහල තට්ටුවට ආවා. බිල ගණනය කරලා බලනකොට පොත් අටටම ගියේ රුපියල් දෙසීයක් වගේ ගානක්. ඉතින් ඒ ටිකත් ගෙනල්ලා නිවාඩු පාඩුවේ කියවන්න ගත්තා.

ගාන අඩුවට තිබ්බට මොකෝ කතාවේ ලස්සනෙන් අඩුවක් නෑ කියලා මටම තේරුනා.

ඔයාලටත් වෙලාවක් තිබ්බොත් ගිහින් බලන්න.  මේ පරණ පොත් ගොඩවල් අතරේ ඔබ කැමතිම ආකාරයේ පොත් තියෙන්නට පුලුවන් :)

නුගේගොඩ සරසවි පොත් හලේත් මේ වගේ බාගේන් බුක් සේල් එකක් තියෙනවා කියලා ආරංචියක් ආවා. තාම නම් යන්න උනේ නෑ. යන්න පුලුවන් වෙච්චදාක ඒ ගැනත් විස්තර කියන්නම්.

එහෙනම් මං ගිහින් එන්නම්.
ජය වේවා !! 

Saturday, August 31, 2013

මැංචෝසන් චාරිකා | Manchosan Charika

බාරොන් මැංචෝසන් නම් වූ චරිතයක් වටා මෙම පොත ගෙතී ඇත. ඔහුවේ විවිධ වූ චාරිකා දහ අටක් මෙම පොතේ අඩංගු වේ. මෙම කතා සියල්ලේ විශේෂත්වය වන්නේ ඒ සියළුම චාරිකා අතේ පැලවෙන තරමේ බොරු වීමයි. ඔහු විස්තර කරන්නාවු විවිධ සිද්ධීන් උසස් ගණයේ හාස්‍යය රසයකින් යුක්ත වන අතර පාඨකයාට විඩාවක් නොමැතිව එක හුස්මට කියවගෙන යාමට පොලඹවයි.

එසේම ඔහු ගමන් ගන්නා ස්ථානද අරුම පුදුම ය. විටෙක ඔහු කේජු දිවයිනකට කිරි සයුරකින් යාත්‍රා කරන අතර විටෙක ගිණි කන්දක් නිරීක්ෂණය කිරීමට ඒ තුලට බසියි.තවත් විටෙක සොරුන්ගේ බලකොටුවට ගොස් ඔවුන්ගේම වෙඩි බෙහෙත් කරත්ත සියල්ල ගිණිබත් කර නිරුපද්‍රිතව පලා එයි.

මෙම පොතේ මා දුටු තවත් විශේෂත්වයක් වන්නේ ලියා ඇති භාෂා ශෛලිය වේ. එය විශේෂත්වයක් ලෙස මා දකින්නේ පරිවර්තක භාවිතා කරන ලද විවිධ වූ වචන සමුදාය වේ. ඒවා මේ වන විටත් අප අතරින් අභාවයට යන වචන ලෙස මා හැදින්වුවාට වරදක් නැත. මෙම භාශා විලාසයේ වෙනස්කමට මූලිකම හේතුව ලෙස මා දකින්නේ එහි පරිවර්ථනය සිදුවී ඇත්තේ 1963 දී වීමයි.

මෙම පොත රුඩෝල්ෆ් එරිච් රාස්ප් විසින් රචිත The Surprising Adventures of Baron Munchausen කෘතියේ සිංහල පරිවර්තනයයි. මෙම පොත සිංහලයට පරිවර්ථනය කර ඇත්තේ ඩී.බී. කුරුප්පු මහතා විසිනි. ඒ 1963 වසරේදි ය.

එදා මෙදාතුර කාලයක් සිංහල පාඨකයින්ව හාස්‍යය රසයෙන්  ප්‍රීතියට පත් කිරීමට මෙම කෘතිය සමත්කම් දැක්වූවා යැයි කීවොත් වරදක් නැත.

 ග්‍රන්ථ නාමය - මැංචෝසන් චාරිකා
ලේඛකයා - ආර්. ඊ. රාස්ප් / ඩී. බී. කුරුප්පු
පිටු -  105ක් වේ.
ග්‍රන්ථ අංකය -ISBN  955-5911-49-2
ප්‍රකාශකයෝ - කුරුලු පොත් ප්‍රකාශණයකි. 


මෙම පොත අවසන් වරට මුද්‍රණය කර ඇත්තේ  2012 වසරේදි උවත් දැනට මුද්‍රණයේ අවසන් වී තිබෙන්නට පුලුවන.මේ නිසා කොටුව/ නුගේගොඩ ගුණසේන පොත් හල් ද රාජගිරියේ කුරුලු පොත් හලේ ද නුගේගොඩ සරසවියෙන් ද විමසා බලන්න.

මෙම පොත සොයා ගැනීමට අපහසු වූවොත් මෙතන ක්ලික් කර මෙම පොත බාගත කරගෙන කියවන්න.

පසුව ලියමි. -
කුරුලු පොත් හලේ දුරකතන අංකය 2863350 හා 071 82 63 828 වන අතර ලිපිනය 594/1, නාවල පාර, රාජගිරිය වේ.

Tuesday, August 20, 2013

ස්වර්ණ පුස්තක සම්මානය 2013 - දෙවන වටය | Swarna Pusthaka Award 2013 - Second Round

සාහිත්‍ය මාසය පටන් ගන්න තව ටික කාලයයි තියෙන්නේ.පොත් කියවන අපි නම් මේ දවස්වල බලාගෙන ඉන්නේ මේ අවුරුද්දේ ස්වර්ණ පුස්තක සම්මානයට නිර්දේශ වෙලා තියෙන පොත් මොනවද කියලා දැනගන්න.

ගොඩක් කට්ටිය නම් දැනටම දන්නවත් ඇති. මොකද මේ ලිපිය කලින් ලිව්වට පල කරන්න උනේ අද තමයි. මොනවා උනත් ලියපු ලිපිය පල කරන්නම එපැයි.මේ ලිපියෙන් මම කියන්න උත්සහ කලේ මේ අවුරුද්දේ ස්වර්ණ පුස්තකයේ දෙවන වටයට තේරි පත් වෙලා තියෙන පොත් මොනවද කියලා.

ඒකට කලින් කලින් අවුරුද්දේ ඒ කියන්නේ 2012 අවුරුද්දේ තේරුන පොත් මොනවද කියලා මතක් කරගෙනම ඉමු. පහලින් දක්වලා තියෙන්නේ 2012 වසරේ ස්වර්ණ පුස්තක සම්මානයේ දෙවන වටයට තේරිලා තියෙන දොලහයි.

1 නයි ගලින් උපන් පුත්‍රයෝ - බටුවන්ගල රාහුල හිමි (සදීපා ප්‍රකාශන)
2 හේලංකඩ - කරුණාරත්න මාකඩුවාව (ෆාස්ට් පබ්ලිෂින්)
3 පරඬැල් - ශාන්ති දිසානායක (සරසවි ප්‍රකාශන)
4 සුදම් සභාව - සරත් විජේසූරිය (විජේසූරිය ග්‍රන්ථ කේන්ද්‍රය)
5 සර්පයාගේ දියණිය - උපේක්ෂා නුවන්ශ්‍රීනි (ගොඩගේ ප්‍රකාශන)
6 සිටුවර පුවත - රූපා ශ්‍රියානි ඒකනායක (සූරිය ප්‍රකාශන)
7 ඇහැළමලී - මනෝහාරී හේවාවසම් (සංහිඳ ප්‍රකාශකයෝ)
8 රතු ඉද්ද - කරුණාදාස සූරිය ආරච්චි (දයාවංශ ජයකොඩි)
9 දඩයක්කාරයාගේ නිම්නය - අනුර වික්‍රමසිංහ (නැණිල පබ්ලිකේෂන්)
10 පියැසි කවුළුව - කපිල කුමාර කාලිංග (කිංකිණි ක්‍රියේෂන්ස්)
11 අභිරහස් ජීවිත තරණය - ටෙනිසන් පෙරේරා (සරසවි ප්‍රකාශකයෝ)
12 ගැහැණු ළමයාගේ මරණය - ශමෙල් ජයකොඩි (සරසවි ප්‍රකාශකයෝ)

ඔන්න ඔය ඉහලින් තියෙන ටික තමයි 2012 වසරේ ස්වර්ණ පුස්තක සම්මානයේ දෙවන වටයට තේරිලා තියෙන පොත් ටික. ඔය අවුරුද්දේ ස්වර්ණ පුස්තක සම්මානය ලැබුනේ රූපා ශ්‍රියාණි ඒකනායකගේ සිටුවර පුවතට කියලා කාට කාටත් මතකයි නේ ?

දැන් බලමු මේ අවුරුද්දේ දෙවන වටයට තේරිලා තියෙන පොත් මොනවද කියලා.මේ වසරෙත් ඒ කියන්නේ 2013 වසරේ දෙවන වටයට පොත් දොලසක් තෝරලා තියෙනවා.
ඒ ටික තමයි පහලින් තියෙන්නේ.

1 වාලුකා - ශාන්ති දිසානායක (සරසවි ප්‍රකාශන)
2 මාගම් සෝලිය - මොහාන් රාජ් මඩවල (බිසෝ ප්‍රකාශන)
3 සෙංකොට්ටං - මහින්ද ප්‍රසාද් මස්ඉඹුල (සංථව ප්‍රකාශන)
4 බොල් පොළව නිල් අහස - රංජිත් ධර්මකීර්ති (සඛිල ප්‍රකාශන)
5 ප්‍රේත වස්තුව - සේපාලි මායාදුන්නේ (ගොඩගේ ප්‍රකාශන)
6 මහා නගරය - කන්දේගම කුලරත්න (ආරිය ප්‍රකාශන)
7 එකොළොස් ගිණි - ටෙනිසන් පෙරේරා (සරසවි ප්‍රකාශන)
8 අත අත නෑර - සුමිත්‍රා රාහුබද්ධ (සුමිත්‍රා රාහුබද්ධ ප්‍රකාශනයක්)
9 පර්ජන්‍යා - සුසන්ත මහඋල්පත (ගොඩගේ ප්‍රකාශන)
10 කන්දේ වීදිය - කපිල කුමාර කාලිංග (කිංකිණි ක්‍රියේෂන්ස් ප්‍රකාශන)
11 කාල සර්ප - කීර්ති වැලිසරගේ (සරසවි ප්‍රකාශන)
12 තැප්පා සේ ම ගිණි - සමරවීර විජයසිංහ (සූරිය ප්‍රකාශන)

ඔයගොල්ලෝ දැනටමත් මේ පොත් දොලහෙන් කීයක් කියවලා තියෙනවද ? මගේ පුද්ගලික අදහස තමා ස්වර්ණ පුස්තක සම්මානයට කලින් අඩුම තරමේ පොත් දෙක තුනක්වත් කියවලා බලන්න කියලා. එතකොට අපිටම තීරණයගක් ගතෑකි මොන පොතට සම්මානය ලැබෙයිද කියලා.

එහෙනම් ගිහින් එන්නම්.

Monday, August 19, 2013

සිටුවර පුවත | Situwara Puwatha

පණ්ඩුල, දිගේලි කන්ද සිටු මැදුරේ ජීවත් වූ අයෙකි. ඔහු තම මාමණ්ඩියගේ දියණිය වූ සරලා සමඟ ආදරයෙන් පසුවේ. මේ දෙදෙනාගේ ආදරය පටන් ගන්නේ ළමා වියේදිම යැයි මා කීවාට වරදක් නැත. ඈ සරසවියට තේරී පත් වූ පසුව සරසවියේ සිට ඇගේ නිවසට ඈව ගෙන එන්නේද ඇගේ නිවසේ සිට සරසවියට ගෙනත් ඇරලන්නේද පණ්ඩුල වේ.

මෙසේ ටික කලක් ගත වන විට පණ්ඩුල නොසිතූ විරූ හදිසි අනතුරකට මුහුණපාන්නට සිදු වේ. එහි ප්‍රථිඵලයක් ලෙස ඔහුගේ එක් පාදයක් අහිමි වේ. පණ්ඩුල ආබාධිත වීමත් සමඟ තම මාමණ්ඩියගේ සිතද පණ්ඩුල කෙරෙන් පහව යයි.මෙහි ප්‍රථිපලයක් ලෙස මාමණ්ඩියගේ දියණිය වෙන කෙනෙකුට සරණ පාවා දීමට මාමණ්ඩිය කටයුතු කරයි.

ඉන් පසුව කතාවේ සිදු වන්නේ කුමක් ද ?

ඔබත් සිටුවර පුවත කියවා බලන්න.  මෙම නව කතාවේ මා දකින සුවිශේෂිම ලක්ෂණය වන්නේ විටෙක සරලාගේ දෘෂ්ඨිකෝණයෙනුත් විටෙක පණ්ඩුලගේ දෘෂ්ඨිකෝණයෙනුත් කතාව ඉදිරිපත් කිරිමයි. මේ නිසා මාරුවෙන් මාරුවට දෙදෙනාගේ සිත් තුල හට ගන්නා හැඟීම් සමුදාය වටහා ගැනීමට පාඨකයාට අවස්ථාවක් ලබා දී ඇත.

මෙම පොත 2012 වසරේ ප්‍රසස්ථ නවකතාවට හිමි ස්වර්ණ පුස්තක සම්මානය ද හිමි වී තිබේ. නමුත් ඉතාමත් සරල කතා තේමාවකට මෙම සම්මානය ලැබී තිබීම පුදුම එලවන සුලු කරුණකි.  ඒ කිම්දයත් මීට වඩා හොඳ කතා තේමාවන් සහිත පොත් මෙම සම්මාන උළෙලට නිර්දේශ වී තිබුණ බැවිනි.

කෙසේ උවත් කිසිදු අපහසුවකින් තොරව එක ලෙස රසවිඳිය හැකි කතාවකි.

ග්‍රන්ථ නාමය - සිටුවර පුවත
ලේඛකයා - රූපා ශ්‍රියානි ඒකනායක
පිටු -  268ක් වේ.
ග්‍රන්ථ අංකය -ISBN  955-6561-97-5
ප්‍රකාශකයෝ - සූරිය ප්‍රකාශණයකි. 


Saturday, August 17, 2013

ගජමුතු නොහොත් සිංහරාජ වික්‍රමය | Sinharaja Vikramaya

පාසල් නිවාඩුවට සංඛ බද්දේගම තම මාමාගේ නිවසට යයි. එහිදි ඔහුට මාමාගේ දියණිය අජන්තාත් පුතා වන වජිරත් සමඟ කෙලි දෙලෙන් ගත කරයි. ඔවුන් බැද්දේගම මාමා සතු කුඩා හෙලිකොප්ටරයෙන් අහසින් ගමන් කරයි. එහිදි ඔවුන්ට සිංහරාජ වනය දැකගත හැකි වේ.

මෙම හෙලිකොප්ටරයේ නියමුවා වන්නේ අසේල ය. ඔහු සංඛ හා වජිර කැටුව  ගමන් කල දිනක ඔවුන්ට කැකුලි හා මුකුලී නම් නිවුන් සොහොයුරියන් දැක ගත හැකි විය.දිනක් ඔහු වජිර හා සංඛ කැටුව අහසින් ගමන් කරන විට හෙලිකොප්ටරයේ යාන්ත්‍රික දෝශයකැයි කියා වනය මැද පිහිටි හිස් භූමියකට ගොඩබස්වයි.

දෙමිතුරන් උදව් සොයා වනය පීරති. අවසානයේ නිශ්ඵල ගමනකින් පසුව හෙලිකොප්ටරය තිබූ තැනට පැමිණේ. ඔවුන් පැමිණෙන විට යානයේ නියමු අසේල එහි නොවීය.

අසේලට සිදුවූයේ කුමක් ද ? දෙමිතුරන් කැලයෙන් එලියට එන්නේ කෙසේ ද ? කතාවේ ඉතිරි ය කුමක් වේද ?

භද්‍රජි මහින්ද ජයතිලකයන් යොවුන් පරපුර ඉලක්ක කර රචනා කල කෘතියකි, ගජමුතු නොහොත් සිංහරාජ වික්‍රමය. සරල බස් වහරකින් ලියැවී ඇති නිසා කිසිදු අපහසුවකින් තොරව පාඨකයා කෘතිය තුළ ඇද බැද තබා ගන්නවා යැයි මා කීවොත් නිවැරදි ය.

ග්‍රන්ථ නාමය - ගජමුතු නොහොත් සිංහරාජ වික්‍රමය
ලේඛකයා - භද්‍රජි මහින්ද ජයතිලක
පිටු -  314ක් වේ.
ග්‍රන්ථ අංකය -ISBN  955-5532-22-2
ප්‍රකාශකයෝ - ආරිය ප්‍රකාශණයකි.


පහතින් දක්වා ඇත්තේ පොතේ පසුපස කවරයෙන් උපුටා ගත් කොටසකි.

ගජමුතු ?
ඔවු අක්කා ගජමුතු
ගජමුතු කියන්නේ ඇත් දළ වල තියෙන මුතුවලට නේද ?
කොහෙද - ඇත් දළ තියෙන්නේ ?
ඇත් දළ තියෙන්නේ ඇත් සොහොනේ
ඇත් සොහොන කොහෙද තියෙන්නේ ?
ඇත් සොහොන තියෙන්නේ මිමන යායෙන් ගිණිකොන දිසාවට ලූ.
කැලේ මැදින් යන්න ඕන ලු
එහෙනං ඇත් සොහොනේ ඩයිනෝසර්ලගේ ඇට කටු තියෙන්නත් බැරි නැහැ ?
ඊලඟ සැරේ හෙලිකොප්ටරෙන් යමු.

මෙම පොත වරකාපොල ආරිය ප්‍රකාශකයින්ගෙන් හා සරසවි පොත්හල් වලින් ලබා ගත හැක.

පසුව ලියමි - ආරිය ප්‍රකාශකයෝ
වරකාපොල    දුර: 035 226 77 69
කොළඹ 10     දුර: 011 474 02 79

Friday, August 16, 2013

තැප්පා සේම ගිනි | Theppa Sema Gini

තිස්ස ඉඳුරුවේ පිහිටි තම පියාගේ මහ ගෙදරට යන්නේ බෝධිපාල ලොකු තාත්තාගෙන් පසුව තම පියාට හිමි වන ඉඩ කඩම් බලා කියා ගැනීමට ය.ඉඳුරුවේ මහගෙදර ජීවත් වන කාලයේදි ඔහුගේ ලොකු තාත්තාගේ ජීවිතය ගැන හාරා ඇවිස්සිමේ ආසාවක් තිස්සට ඇති විය.මේ පිලිබඳ සුමනාවති නැන්දාගෙන් ඇසුවත් ඈ ඒ අතීතය හෙලි කිරීමට එතරම් කැමැත්තක් නොදැක්වුවාය.

සමහර දිනවල ඔහු සිය ලොකු තාත්තාගේ පොත් රාක්ක අවුස්සමින් එහි ඇති පොත් කියැවීමට රුචිකත්වයක් දැක්වුවේය. පසුව ඔහුට සිය ලොකු තාත්තාගේ ජීවිත කතාව දැන ගැනීමට හැකි විය.

එතැන් පටන් බෝධිපාල ලොකු තාත්තාගේ ජීවිත කතාව නවකතාවක් මෙන් දිග හැරේ.

ඉහතින් දක්වා ඇත්තේ මෙම පොතෙහි එන කතාවෙන් ඉතාම කුඩා කොටසක සාරාංශයකි.බෝධිපාල ලොකු තාත්තාගේ ජීවිතය කෙබඳු එකක්දැයි දැන ගැන්මට තැප්පා සේම ගිනි පොත කියවන්න.

මෙම පොත ඔබ කවුරුත් දන්නා ස්වයංජාත පොත රචනා කල සමරවීර විජයසිංහයන්ම වේ.

ග්‍රන්ථ නාමය - තැප්පා සේම ගිනි
ලේඛකයා - සමරවීර විජයසිංහ
පිටු -  342ක් වේ.
ග්‍රන්ථ අංකය -ISBN  955-6561-51-4
ප්‍රකාශකයෝ - සූරිය ප්‍රකාශණයකි.




මෙම පොත 2013 වසරේ ස්වර්ණ පුස්තක සම්මාන උළෙලේ අවසන් වටයේ පොත් පහට තේරී ඇත. ඔබ දැනටමත් මෙම පොත කියවා නැත්නම් මේ කියැවීමට සුදුසුම කාලයයි.

මෙම පොතේ මාක්ස්වාදය සමාජවාදය යම්තාක් දුරට සාකච්ඡා කෙරෙන නිසා එම මතෘකා වලට ඔබ අකමැති නම් කතාව නීරස ගතියක් දැනේවි යැයි මගේ හැඟීමයි. එහෙත් සමස්ථ කතාව රසවත් ය.

Wednesday, August 14, 2013

හත්පෙති මල | Hathpethi Mala

හත්පෙති මල කියන්නේ අපි පුංචිම දවස්වල ආසාවෙන් කියවපු පොතක්. මේ පොතේ එන කතාව රුසියානු සුරංගනා කතාවක්. රුසියානු කතාවක් උනාට අපේම කතාවක් වගේ එක ලෙසම රසවිඳින්න පුලුවන්.

මෙම පොතේ එන කතා නායිකාව වෙන්නේ ශේන්යා කියන පොඩි ගෑනු ළමයෙක්.  තව දෙයක් තමා මේ පොතේ එන කතාව ඉතාමත් පුංචි නිසා කතා සාරාංශය ලියන්න නම් යන්නේ නෑ. එහෙම ලියපු සාරාංශයක් කියවලා පොත කියවන එකේ තේරුමකුත් නෑ. පුලුවන් අය ඉන්නවා නම් පොත හොයාගෙන කියවන්න.

එහෙම හොයාගන්න බැරිම කෙනෙක් ඉන්නවා නම් මෙතන ක්ලික් කරලා කියවන්න.

මෙම පොත පරිවර්තනය කරලා තියෙන්නේ අපි කවුරුත් අදුනන දැදිගම වී. රුද්‍රිගු මහතායි.


මේ පොත ඕනෑම සරසවි පොත් හලකින් උනත් ලබා ගන්න පුලුවන්.

Sunday, August 11, 2013

සැමීගේ කතාව | Sam's Story

සැමී කියන්නේ පිටිසර ගමක ජීවත් වෙච්ච කොල්ලෙක්. එයාගේ පවුලේ සහෝදර සහෝදරියෝ හය දෙනෙක් ඉන්නවා. අම්මා රබර් කිරි කපලා ලැබෙන සොච්චමෙන් තමයි මේගොල්ලෝ ජීවත් උනේ. සැමීලාගේ තාත්තා එයාලව දාලා ගිහින්.

සැමීලගේ අම්මා උපයන සොච්චම එයාලට ජීවත් වෙන්න මදී.මේ ගොල්ලෝ වේලක් ඇර වේලක් කාලා තමයි ජීවත් උනේ.  ගේ ලගින් ගලන ගඟේ ඉවුරේ හැදෙන ගොටුකොල කන්කුන් වලින් තමයි ගොඩක් වේලාවට මේ ගොල්ලන්ගේ කෑම වේල හැදුනේ.

සැමිට හිටපු හොඳම යාළුවා තමයි පියා.පියා කිව්වේ පියදාස. සැමීගේ හොඳම යාළුවායි එයාගේ තාත්තයි ගංවතුරට ගහගෙන යනවා.ඔන්න ඔහොමයි සැමීගේ යාළුවාව සැමීට නැති උනේ.

ඊලඟට සැමී ගඟලඟ ගෙදර වැඩට යනවා.

එතනින් එහාට කතාව දැනගැනීම ඔබට බාරයි. මා ඉහතින් සඳහන් කලේ සැමීගේ කතාව නම් වූ කපිතාන් එල්මෝ ජයවර්ධනයන් විසින් රචිත Sam's Story නම් වූ කතාවේ සාරංශයයි. මෙම කෘතිය ඉංග්‍රිසියෙන් රචිත කෘතියකි. එහි පරිවර්තකයා වන්නේ සිසිල් රුද්‍රිගු මහතාය.

තවද මෙම කෘතිය ජනප්‍රිය වන්නේ සැමීට රඟපෑ ජගත් චමිලයන් නිව්යෝක් සිටි සිනමා සම්මාන උළෙලෙදී හොඳම නළුවාට හිමි සම්මානය හිමි කරගැනීමයි.

සැමී නම් වූ මෙම කතාවේ ප්‍රධාන චරිතය තමාගේ සිතට දැනෙන දුක සතුට සියුම්ව විග්‍රහ කරයි. එලෙසම සමාජයේ පවතින අඩුලුහුඩුකාම් සියුම්ව හාස්‍යයට ලක් කිරීමද සිදු කරයි.මෙහි භාෂා හැසිරවීම සරලය. මා කතා සාරාංශය ලියා ඇති රීතියට බෙහෙවින්ම නෑකම් කියයි.

ඔබත් මෙම කෘතිය කියවා නොමැති නම් කියවා රසවිඳීන්න.

ග්‍රන්ථ නාමය - සැමීගේ කතාව
ලේඛකයා - එල්මෝ ජයවර්ධන/ සිසිල් රුද්‍රිගු
පිටු -  170ක් වේ.
ග්‍රන්ථ අංකය -ISBN  955-2112-60-5
ප්‍රකාශකයෝ - ඇම්. ඩී. ගුණසේන ප්‍රකාශණයකි.


පහතින් දැක්වෙන්නේ එම පොතේ පසුපස කවරයෙන් උපුටා ගත් කොටසකි.

මම ලොකු මහත්තයා - සැමී පොඩි මහත්තයා....
අත් විහිදා වටේටම කැරකැවෙමින්ආයිත් මහත්තයා හිනාවෙවීම කිව්වා.ආයිත් මමත් එයා එක්කම හිනා වුනා...

දිවයිනේ සෑම ගුණසේන පොත්හලකින්ම මෙම පොත ලබා ගත හැක.

කන්දේ වීදිය | Kande Veediya

කන්දේ වීදිය පොත ගැන මා කියනාට වඩා එහි කතෘ වන කපිල කුමාර කාලිංගයන්ගේ වචන වලින්ම අසා දැන ගනිමු. පහත දැක්වෙන්නේ එහි පසු පස කවරයේ සඳහන් සටහනින් උපුටා ගත් කොටසකි.

මෙය ශ්‍රී ලංකාවේ බ්‍රිතාන්‍ය යටත් විජිත සමයේ අවසන් දශක තුන පසුබිම් කරගත් වෘතාන්තයකි.තවත් කෝණයකින් එය චරිතාපදානයක් ද වෙයි. පාරම්පරික සිංහල වෙද මහතකු මෙන්ම වැවිලිකාරයෙකුද වන පුද්ගලයෙකුගේ නීතීඥ පුත්‍රයා වටා මේ ප්‍රබන්ධය ලියැවෙයි.

කිසියම් චරිතයක් වටා ගොඩනැගිය හැකි අනන්ත අපරිමාන සිදුවීම් සමුදාය තුළින්, වඩා නාටකීය හා අපූර්ව දෑ පමණක් තෝරාගන්නා කතුවරයා අවසානයේ පාඨකයාගේ ජීවිත පරිඥාණය පුළුල් කරන්නට සමත් වෙයි.

උපුටා ගැනීම අවසන්.

මෙම පොතෙහි එන කතා පුවත, බ්‍රිතාන්‍ය යටත් විජිත සමයේ සිටි වෙද මහත්මයෙක් වන කොර්නේලියස් ගේ පුත් ලොයිඩ් වටා ගෙතී ඇත. ලොයිඩ් වෘත්තියෙන් නීතීඥවරයෙකි. ඔහුගේ උපතේ සිට සිය මරණය දක්වා මෙම කතා පුවත ගලායන බව මා කීවාට වරදක් නැත.

මෙම පොත මේ වන විට 2013 වසරේ ස්වර්ණ පුස්තක සම්මානයේ දෙවන වටයට නිර්දේශිත පොත් දොලසට ඇතුලත්ව ඇත. ඔබ දැනටමත් මේ පොත කියවා නොමැති නම් අද හෙටම කියවා රසවිඳින්න.

ග්‍රන්ථ නාමය - කන්දේ වීදිය
ලේඛකයා - කපිල කුමාර කාලිංග
පිටු -  256ක් වේ.
ග්‍රන්ථ අංකය -ISBN  955-8933-78-7
ප්‍රකාශකයෝ - කිංකිණි ප්‍රකාශණයකි.


මෙම පොත දිවයිනේ සියළුම සරසවි පොත් හල් වලින් හා අංක 469, හයිලෙවල් පාර, මාකුඹුර, පන්නිපිටියේ පිහිටි කිංකිණි ප්‍රකාශකයන්ගෙන් ද ලබා ගත හැක.

Friday, August 9, 2013

ඇලන් ක්වාටමන්ගේ වීර චාරිකාව | Allen Quartermain

ඇලන් ක්වාටමන් හා ඔහුගේ මිතුරන් එකතුවී අප්‍රිකා මහද්වීපය මධ්‍යයේ සුදු හම ඇති ජාතීන් ජීවත් වන රටක් සොයා වීර චාරිකාවක් දියත්කරයි.එම ගමනට සුලුලන්තයේ ගෝත්‍රික නායකයෙකු වන අම්ස්ලොපොගාස් ද එකතු වේ.

මොවුන් ටානා ගඟ දිගේ ඉහලට යාත්‍රා කරමින් ගමන අරඹයි.

ගඟ දිගේ ඉහලට යන ගමනෙදි ඔවුන්ට ම්ලේඡ්ච මසායි ගෝත්‍රිකයන්ගේ ප්‍රහාරයකටද ගොදුරු වීමට සිදුවේ. කෙසේ හෝ මසායින්ගෙන් දිවි බේරා ගන්නා ඔවූහු නැවතත් ගඟ දිගේ ඉහලට ගමන අරඹයි. ඉන්පසු ප්වුන් අප්‍රිකා මහද්වීපය මධ්‍යයේ ඇති එකම මිසනාරි නිවස වන හයිලන්ඩ්ස් දේවස්ථානයට පැමිණේ.

හයිලන්ස්ඩ් දේවස්ථානයේ නවාතැන් ගන්නා ඔවුන්ට තවත් අත්දැකීමකට මුහුණ දිමට සිදුවේ. එනම්, මිෂනාරිවරයාගේ දුව වන ෆ්ලොසීව මසායිවරුන් විසින් පැහැර ගැනීමයි. මසායිවරුන් හා ක්වාටමේන්ගේ සගයන් අතර අති බිහිසුනු සටනක් ඇති වේ.

ඔවුන්ට කුඩා ෆ්ලොසීව බේරා ගැනීමට හැකි වේද ? කතාවේ ඉතුරු ටික කුමක් වේද ?

මේ ප්‍රශ්න වලට පිලිතුරු අවශ්‍ය නම් ඇලන් ක්වාටමන්ගේ වීර චාරිකාව කියවන්න. කුතුහලය නොඅඩුවම එක ලෙස කියවිය හැකි පරිවර්තනයකි. මෙම පොත සුප්‍රසිද්ධ ලේඛක හෙන්රි රයිඩර් හැගාර්ඩ් විසින් රචනා කර ඇති අතර චන්දන මෙන්ඩිස්ගේ පරිවර්තනයකි.

 ග්‍රන්ථ නාමය - ඇලන් ක්වාටමන්ගේ වීර චාරිකාව
ලේඛකයා - හෙන්රි රයිඩර් හැගාර්ඩ් / චන්දන මෙන්ඩිස්
පිටු -  280ක් වේ.
ග්‍රන්ථ අංකය -ISBN  955-9682-80-6
ප්‍රකාශකයෝ - කතෘ ප්‍රකාශණයකි.


දිවයිනේ සියළුම සරසවි පොත් හල් වලින් මෙම පොත ලබාගත හැක.

Thursday, August 8, 2013

කැදලිගම අන්දරය | Kedaligama Andaraya

මී කිරි වෙලඳාමෙන් සැම්සන් උන්නැහේ සෑහෙන ලබයක් ලබයි. ඔහු බලන් ඉන්නැද්දි මෙන් දිනෙන් දින දියුණුවෙන් දියුණුවට පත්වේ. එහෙත් දරුවෙකු නොමැති ශෝකය තවමත් ඔහු තුල කිදා බැස ගොස් ඇත. මේ නිසාම ඔහු ලලිතා නම් වූ තිලකාගේ මිතුරියක් හා විවහා වෙයි.

සැම්සන්ගේ කලින් බිරින්දෑ වූ හෙලේනාහාමි දසසිල් මාතාවක් වීම පිනිස මෙහෙණි ආරාමයට ගියා ය.  සැම්සන් හෙලේනාව කසාද බැන්දද ඔහුට ඈගෙන්වත් දරුපල නොවී ය.

මේ කල වන විට තිලකාගේ දුව ඉගෙනුම සඳහා නගරයේ පාසලකය ගොසින් ය. ඈ ඉතාමත් දක්ෂ සිසුවියක් වූවාය. එසේම ඈ ඉහලින්ම උසස් පෙළ සමත් වූවාය. දිනක් ඈ ගෙදර සිටින දවසක ඈට නදිශ්ව මුණ ගැසිනි. මෙම ඇඳුනුම්කම දුර දිග ගොස් ඈ නදිශ් සමග වැඩිදුර අධ්‍යාපන කටයුතු වලට ඕස්ට්‍රේලියාවට යාමට හැකි විය.

ප්‍රියංගා එහිදී නදිශ්ව කසාද බදියි.
ඉන්පසු කතාව කෙසේ දිගහැරේවි ද ? කියවන්න කැදලිගම අන්දරය !

භද්‍රජි මහින්ද ජයතිලකයන්ගේ අන්දර ත්‍රිත්වයේ අවසාන කොටස කැදලිගම අන්දරයයි. පලවෙනි කොටස කතලුගල අන්දරයට මෙතනිනුත් දෙවෙනි කොටස රන්වැල්ලේ අන්දරයට මෙතනිනුත් රිංගන්න.

 ග්‍රන්ථ නාමය - කැදලිගම අන්දරය
ලේඛකයා - භද්‍රජි මහින්ද ජයතිලක
පිටු -  182ක් වේ.
ග්‍රන්ථ අංකය -ISBN  955-6581-31-7
ප්‍රකාශකයෝ - ස්ටැම්ෆර්ඩ් ලේක් ප්‍රකාශණයකි.


ඔබත් මෙම පොත කියවා නොමැති නම් කියවා රසවිඳින්න.

Wednesday, August 7, 2013

රන්වැල්ලේ අන්දරය | Ranwelle Andaraya

වල් අලි ප්‍රහාරය නිසා කැදලිගම රක්ෂිතයේදි තනිවූ බොබී හා තිලකා තම ආසාවන් සිතැඟි ලෙස ඉටු කරගත්තේය. මෙහි ප්‍රතිඵලයක් ලෙස බොබී නිසා තිලකා ගැබ් ගත්තාය. මේ වන විට බොබී සිය මවු රට වූ ඇමරිකාවට ගොසිනි. ඈ කෙතරම් වෙහෙස වී බොබීව සෙව්වද ඔහුව හමු වූයේ නැත.

කලක් ගතවූ පසු ඈ නිලූක නම් වූ පුතෙකු බිහි කලාය. තම පුතු නිලුකවද කැටුව බොබීව සෙවීම සඳහා කොළඹ ගියාය. එහිදී ඈට චිත්‍රපටි කණ්ඩායමේ සිටි චන්ද්‍රිකාගේ උදවු ලැබිනි. චන්ද්‍රිකාගි උදව්වෙන් ඈ පිටරට රස්සාවකට ගියා ය. ඈ කලකට පසුව සිය මවු රටට එනවිට තම පුතු නිලූක හා චන්දිකා ආගිය අතක් නොවීය.

තම පුතු නැති සොවින් හා බොබීව සෙවීමේ අසාර්ථක ප්‍රයත්නය හේතුකොටගෙන කලකිරීමට පත් වූ තිලකා, පෙරලා තම ගමට පැමිණියා ය. මේ අල්ල පනල්ලේ සුමන නම් වූ තරුණයෙක් තිලකාව විවහා කරගැනීමට කැමැති විය. ඔවුන් විවහා වූ පසුව තිලකා, ප්‍රියංගා නම් වූ දුවක වැදුවාය.

සුමනත් තිලකාත් ඔවුන් දෙදෙනාගේ දුව වූ ප්‍රියංගාත්  සුමන පවත්වාගෙන හෝටලයේ ජීවත් වූහ. ඉන්පසුව ඔවුන්ගේ ජීවිත වලට සිදු වන්නේ කුමක් ද ?

මෙම පොත භද්‍රජි මහින්ද ජයතිලකයන් රචිත අන්දර ත්‍රිත්වයේ දෙවැන්න වේ. මෙහි පලමුවැන්න කතලුගල අන්දරය පොත ගැන ලිපිය මෙතනින් කියවන්න.

ග්‍රන්ථ නාමය - රන්වැල්ලේ අන්දරය
ලේඛකයා - භද්‍රජි මහින්ද ජයතිලක
පිටු -  254ක් වේ.
ග්‍රන්ථ අංකය -ISBN  955-8733-41-5
ප්‍රකාශකයෝ - ස්ටැම්ෆර්ඩ් ලේක් ප්‍රකාශණයකි.


ඔබත් මෙම පොත කියවා නොමැති නම් කියවා රසවිඳින්න.

Tuesday, August 6, 2013

කතලුගල අන්දරය | Kathalugala Andaraya

සැම්සන් සහ ඔහුගේ බිරිඳ කතලුගල ගමේ ජීවත් වු දෙදෙනෙකි.මේ දෙදෙනා ජිවත් වූයේ මීකිරි මූදුකරයේ මිනිසුන්ට අලෙවි කිරීම මඟිනි.ඔවුන් දෙදෙනා මැදි වයස පසු කරමින් සිටිය ද ඔවුන්ට දරුවන් සිටියේ නැත. දරුවන් නොමැතිකමින් හෙලේනාහාමි මෙන්ම සැම්සන් උන්නැහේද ජීවත් වූයේ කනස්සල්ලකිනි.

දිනක් කතලුගල ගමට චිත්‍රපටියක් රූ ගත කිරීමට කණ්ඩායමක් පැමිණියේය. මොවුන් කිරි කද රැගෙන යන සැම්සන්ව දැක ඔහුවද රූ ගත කරන ලදී. පසුව මෙම කණ්ඩායම හා සැම්සන් මිතුරු වූහ.  ඔවුන්ගේ චිත්‍රපටියට තමාවද රූ ගත කල බව හෙලේනාහාමි සමගද ඉන් පසුව තිලකා හා සමගද පැවසී ය.

මේ නිසාම තිලකාටද මෙම චිත්‍රපටියේ රඟපෑමට ආසාවක් ඇති විය. දිනක් කැදලිගම රක්ෂිතයේ පැවති රූගත කිරීමක් බැලීමට ගිය තිලකා ඇතුළු කණ්ඩායමට වල් අලියෙක්ගෙන් ප්‍රහාරයකට මුහුණ දීමට සිදු විය. මෙම ප්‍රහාරයෙන් බේරිමට ඔවුහු හිස ලූ ලූ අත දිවූහ. දෛවයේ හාස්කමකට මෙන් බොබී නම් වූ සුදු ජාතිකයා හා තිලකා දිව ගියේ එකම අතකට ය.

මෙසේ දිව ගිය ඔවුන්ව කණ්ඩායමෙන් මඟහැරිනි. බොබීට හා තිලකා හට තම කණ්ඩායම පැමිණෙන තෙක් රැඳි සිටින ස්ථානයේම තනිවන්නට සිදු විය. මෙලෙස තනිවූ ඔවූහු තම සීමාව ඉක්මවා තම ආසාවන් සපුරාගත්තෝය.

බොබීගේ හා තිලකාගේ ජීවිත වලට ඉන්පසු කුමක් සිදු වේද ?

භද්‍රජි මහින්ද ජයතිලකයන්ගේ අන්දර ත්‍රිත්වයේ පලමුවැන්න වන කතලුගල අන්දරයේ කතාවෙන් බිදක් ඉහත දැක්වේ.මෙම කතාව කොටස් තුනකින් යුක්ත වූවත් තනි තනිව උවද රසවිඳිය හැකි ලෙස ලියවී ඇත. මෙම අන්තර ත්‍රිත්වයේ පලමුවැන්න කතලුගල අන්දරය වන අතර දෙවැන්න රන්වැල්ලේ අන්දරය වේ. තුන්වැන්න කැදලිගම අන්දරය වේ.

ග්‍රන්ථ නාමය - කතලුගල අන්දරය
ලේඛකයා - භද්‍රජි මහින්ද ජයතිලක
පිටු -  158ක් වේ.
ග්‍රන්ථ අංකය -ISBN  955-8156-91-4
ප්‍රකාශකයෝ - ස්ටැම්ෆර්ඩ් ලේක් ප්‍රකාශණයකි.


භද්‍රජී රසික ඔබ මෙම පොතද ආසාවෙන් කියවනු ඇතැයි මා සිතමි.

Monday, August 5, 2013

දොස්තොර කතා | Dosthora Katha

මෙම පොත කෙටි කතා එකතුවක් ලෙස හැඳින්විය හැකි ය. කෙටි කතා කීවාට මෙහි එන සියළුම කතා වලින් අපට ඉගැනුමට පාඩමක් වෙයි. අප එදිනෙදා ජීවිතයේ දි සිදුකරන අත්වැරදීම් සියුම් හාස්‍යයට ලක් කර එයින් යමක් උකහා ගත හැකි ලෙස රචිත කෘතියකි.

තවද මෙහි එන කතා සියල්ලම වෛද්‍ය චන්න සුදත් ජයසුමන විසින් විදුසරට රචනා කරන ලද ලිපි පෙල වේ.

අප එදිනෙදා දකින්නට අහන්නට ලැබෙන විවිධ වූ සිදුවීම් දොස්තර කෙනෙකුගේ ඇසින් හා ඔහුගේ අත්දැකිම් වලින් විස්තර කෙරෙන කතා  සමූහයකි.

මෙම පොත ඉතාම සරල බසකින් ලියා ඇති නිසා එක හුස්මටම කියවා ගෙන යා හැකි ය.  මේ පොත ගැන වැඩි දුරටත් මා කියනවාට වඩා ඔබම කියවා බැලීම සුදුසු බව මගේ අදහසයි.


මෙම පොත සූරිය ප්‍රකාශනයකි.

Saturday, August 3, 2013

සිහිනයක රැඳි රහසක් | Sihinayaka Redi Rahasak

පීටර් ප්‍රවුඩ් කැලිෆෝනියා සරසවියේ මහචාර්යවරයෙකි. ඔහු සෑම රාත්‍රියකම පාහේ එකම ආකරයේ සිහිනයක් දකී.ඔහු දකින සිහිනය වන්නේ මිනිසෙකු ගඟක පිහිනමින් සිටියදී ගිලී මිය යන දර්ශනයකි. එම දර්ශනය දකිනවාත් සමඟම ඔහු "මර්සියා...එපා ! " යැයි ඔහුගේ නොවන හඬකින් කෑ ගසා අවදි වේ.

මෙමෙ සිහිනය ප්‍රවුඩ් මහචාර්යවරයාට මෙන්ම ඔහුගේ බිරිඳට ද මානසික වදයක් විය. මේ නිසා ඔහු විවිධ සිහින පර්යේෂණාගාරවල සහය ද විවිධ ප්‍රතිකාර ක්‍රම ද අත්හදා බලයි.

දිනක් ඔහු සවස් වරුවක රූපවාහිනිය නරඹන අතරතුර දී වාර්තාමය වැඩසටහනක් විකාශනය වේ. එහි අන්තර්ගතය වන්නේ "එදා සහ අද ඇමරිකාව" යන්නයි. එම වැඩසටහනේ එක් දර්ශනයකදි ඔහු සිහින වලදී හුරු පුරුදු පරිසරයම දකී. මේ හෝඩුවාව ඔස්සේ ගොස් ඔහුගේ මෙම අත්භූත සිහින වල තේරුම සොයා ගනී.

ඉහතින් දක්වා ඇත්තේ චන්දන මෙන්ඩිස් මහතා අතින් පරිවර්තනය වූ සිහිනයක රැඳි රහසක් පොතේ ඇති කතාවෙන් කොටසකි.මෙය කුතුහලයෙන් යුතුව කියවිය හැකි නවකතාවකි.

ග්‍රන්ථ නාමය - සිහිනයක රැඳි රහසක්
පරිවර්තනය - චන්දන මෙන්ඩිස්
පිටු -  303ක් වේ.
ප්‍රකාශකයෝ - කතෘ ප්‍රකාශණයකි.



 මෙම කෘතිය 1975 වසරේ දී ජේ. ලී තොම්සන් අතින් සිනමාවට නැගුනි. මෙම පොත මැක්ස් සීමන් ගේ The Reincarnation of Peter Proud නම් වූ කෘතියේ පරිවර්තනයකි.

චන්දන මෙන්ඩිස් මහතාගේ පරිවර්තන වලට කැමති ඔබ අනිවාර්යෙන්ම මෙම පොත ද කියවා රසවිඳිනු ඇත.
මෙම පොත දිවයිනේ ඕනෑම සරසවි පොත් හලකින් වුවද ලබා ගත හැක.

Sunday, July 28, 2013

කරුවල ගෙදර | Karuwala Gedara

තිනන්, රතුහාමි හා විවහා වූයේ බොහෝ කලකට පෙර ය. එහෙත් ඔවුන් දෙදෙනාට දරුවන් සිටියේ නැත. දරුවන් නොමැතිකම නිසා රතුහාමි මෙන්ම තිනන් ද හිතේ කනගාටුවකින් ජීවත් වූහ. ඔවුන් දෙපල ජීවත් වූයේ කොග්ගල ය.

තිනන්ගේ රැකියාව වූයේ පොත් තෙල් හිඳීමය. ඔහු එයින් සෑහෙන ලාබයක් ලබයි. මේ සියල්ල බලා කියා ගැනීමට දරුවකු නොමැති වීමේ ශෝකය තිනන්ගේ සිතින් මැකී නොගියේ ය. මේ නිසාම තිනන් තවත් විවාහයක් කර ගැනීම පිළිබඳ රතු හාමිගෙන් විමසයි.

මුලදි අකමැති වූවද තම ස්වාමි පුරුෂයාගේ සතුට ගැන සිතා ඈ ඊට කැමැත්ත පල කලා ය. ඇගේ කැමැත්ත ලද ඇසිල්ලෙන් ඔහු පොඩිහාමි නම් වූ ගැහැනියක් ගෙදර ගෙනාවේ ය. ඈ ගෙදර දොරේ වැඩපලට මෙන්ම බීරළු ගෙතීමේ දක්ෂ කාන්තාවක් වූ වාය. ඇහැට කනට පෙනෙන රූප ස්බාවය නිසාම පිරිමින් ඈ සමග කතා කිරීමට කැමැත්තක් දැක්වුවේ ය.

මෙය රතු හාමිට නුරුස්සන කාරණාවක් වූවා ය.

පසු කලෙක පොඩි හාමි පුතෙකු බිහි කලා ය. ඔහු සිරිමල් නම් විය. රතු හාමි ද සිරිමල්ට මවක් මෙන් ආදරය කළාය. එහෙත් මේ ආදරය පොඩිහාමිගේ කෝපයට හේතුවක් විය. පසු කලෙක පොඩි හාමි ඈට දැක්වූ වෙනස්කම් වලටද මේ ආදරය හේතු විය.

මේ සියළුම සිදුවීම් ඔස්සේ කතාව දිවෙයි. කොග්ගල ගැමි පරිසරය සමග බද්ධව කතාව ගලා යන නිසාම ඉතාමත් ආශාවෙන් කියැවිය හැකි පොතක් ලෙස හැදුන්නුවාට වරදක් නැත.

ග්‍රන්ථ නාමය - කරුවල ගෙදර
ලේඛකයා - මාර්ටීන් වික්‍රමසිංහ
පිටු -  201ක් වේ.
ග්‍රන්ථ අංකය -ISBN  955-8415-54-5
ප්‍රකාශකයෝ - සරස ප්‍රකාශණයකි.



මෙම කෘතිය පසු කලෙක සුදත් රෝහණ අතින් ටෙලි සිත්තමක් බවට පත් විය. කරුවල ගෙදර ටෙලි සිත්තමේ තිනන් ලෙස ජනක් ප්‍රේමලාල් ද පොඩිහාමි ලෙස සේමිණි ඉද්දමල්ගොඩ ද රතුහාමි ලෙස අයිරාංගනී සේරසිංහයන් ද රංගනයෙන් දායක විය.

මාර්ටීන් වික්‍රමසිංහයන්ගේ අනෙක් කෘති මෙන්ම කරුවල ගෙදර කෘතියද ඔබ ආසාවෙන් කියවනු ඇත.
දිවයිනේ ඕනම සරසවි පොත් හලකින් මෙන්ම සරස පොත් හලෙන් මෙම පොත මිලදී ගත හැක.

Saturday, July 27, 2013

රතු ඉද්ද | Rathu Idda

මෙම පොත වෙනස්ම ආරක කතා පුවතකි. මතුපිටින් මෙම පොත කියවන්නෙකුට හමු වන්නේ උමතු ගැහැනියකි. ගස් වැල් සමඟ සාමාන්‍ය මිනිසුන් හා සමානවම කතා කරන්නා සේම කතා කරන උමතු ගැහැණියක් හමු වෙයි.

එහෙත් මේ පොතේ ගැඹුරට කිදා බහින්නෙකුට සුවිශේෂි ගැහැණියක් හමුවේ. ඈ ගස් වැල් වලට ආදරය කරන පරිසර වේදිනියක් යැයි මා කීවොත් වැරදි නැත.

පොතේ කතුවරයා මෙම පොත හඳුන්වා දී ඇති ආකාරය පහත දැක්වේ.

එළි පෙහෙළි ලෝකයක කැලෑව සුවිශේෂිය. ප්‍රඥාවන්තිය කැලෑවේ සැඟවී සිටියි. කැළෑව එළි පෙහෙළි කළ විටද ඇය දැකිය නොහැක. මන්ද යත් සුවිශේෂත්වය එළිපෙහෙළි වී සාමාන්‍ය බවට පත්ව ඇති හෙයිනි.
සාමාන්‍යජීවිතය තුල ඈ උමතු කාන්තාවකි.සාමාන්‍ය ජීවිතයෙ සැරිසරන්නන්ට මේ උමතු ගැහැනිය නිතර දෙවේලේ හමු වේ.එහෙත් සුවිශේෂත්වය තුළ ඈ ප්‍රඥාවන්තියකි.


මෙය උමතු ගැහැනියක පිලිබද කතාවක් නොවේ. සාමාන්‍ය ගැහැණුන් දෙදෙනෙකු පිලිබද කතවකි. ඔබේ සිත් මානය අනුව ඔවුනට උමතු බව ආරෝපණය වීම හෝ නොවිම සිදු වේ.


ග්‍රන්ථ නාමය - රතු ඉද්ද
ලේඛකයා - කරුණාදාස සූරියාරච්චි
පිටු -  270ක් වේ.
ග්‍රන්ථ අංකය -ISBN  955-5519-07-2
ප්‍රකාශකයෝ - දයාවංශ ජයකොඩි ප්‍රකාශණයකි.


මෙම පොත 2012 වසරේ ස්වර්ණ පුස්තක සම්මානයේ අවසන් වටයට නිර්දේශිත පොතකි.ඔබත් කියවා රසවිඳින්න.
පසුව ලියමි - මෙම පොත බා ගත කරගන්න මෙතන ක්ලික් කරන්න.

පරඬැල් | Paradal

ශාන්ති දිසානායක මහත්මියගේ පොත් ආසාවෙන් කියවන ඔබ මෙම පොතද ඉතාමත් ආසාවෙන් කියවනු ඇත. ගැමි සුන්දරත්වය සමඟ එක හුස්මටම කියවාගෙන යා හැකි කෘතියකි.

ලිලාරත්නගේ පියා ලෙඩ ඇඳේ ය. මව දවස තිස්සේම මහන්සි වී ගෙදර දොරේ වැඩපල කරන්නී ය.ලොකු අක්කා විවහා වී ගෙදරින් පිටවී ගොසින් ය. චුට්ටි අක්කා ද තම ආදරවන්තයා සමඟ ගෙදරින් පැන ගියා ය. මේ නිසාම ගෙදර සියළුම බර පැටවී ඇත්තේ ලීලාරත්නගේ උරහිස මත ය. ඔහුද මේ සියළුම බර කරට ගෙන කටයුතු කරන්නෙකි.

ඔහුගේ මල්ලි වූ කිරිදෙයියා කිසිදු වැඩක් නොකරන ඔහේ ගෙවන්නන් වාලේ ජීවිතය ගෙවා දමන්නෙකි.  චුට්ටි හට දරුවෝ නොමැති කමෙන් ඔහුගේ සැමියාගේ විවිධ වද බන්ධනයන්ට යටත් වීමට ඈට සිදුවේ. ඈ පසුව තම උපන් ගෙදරට පැමිණියේ මේ සියල්ල තව දුරටත් ඉවසිය නොහැකි වූ නිසාවෙනි.

මේ අතර ලොකු අක්කා තම දෙවෙනි දරුවා බිහිකිරීම සඳහා මහ ගෙදරට පැමිණියා ය. ලොකු අක්කාගේ සැමියා චුට්ටි සමඟ හොර රහසේ සම්බන්ධයක් පවත්වා ගෙන යයි. ලොකු අක්කා මේ කිසිවක් නොදනී.

මොවුන්ගේ ජීවිත වලට එබී බැලීම සඳහා පරඬැල් පොත කියවන්න.

 ග්‍රන්ථ නාමය - පරඬැල්
ලේඛකයා - ශාන්ති දිසානායක
පිටු -  212ක් වේ.
ග්‍රන්ථ අංකය -ISBN  955-6715-08-8
ප්‍රකාශකයෝ - සරසවි ප්‍රකාශණයකි.


පහතින් දක්වා ඇත්තේ මෙම පොතෙන් උපුටා ගත් කොටසකි.

පරඬැලා පත් මෙන් වියළි වූද හරසුන් වූද ගැහැනු මිනිස්සු මෙන් මෙන්ම ශක්තිමත් අරටුවක් සහිත ගැහැනු මිනිස්සු ද මේ පරඬැල් තුළින් ඔබට හමුවනු ඇත.

අන්ධකාරයේ යක්ෂයාද,
ආලෝකයේ දෙවියන් ද දකින
දහසක් මිනිසුන අතර අඳුරේත්,
ආලෝකයෙත් වෙනසක් නොදුටු
ඔහු අන්තිමේදී දෙවොලක් තුළ සිරගත වූ දෙවියකු ලෙස පරාජිත ප්‍රේමයද, පරඬැලක් වූ
ජීවිතයද ජයගනු ඇත්ද? 

සරල භාෂා හැසිරවීම හා ගැමි සුන්දරත්වය අතිවිදීමට ඔබත් මෙම පොත කියවන්න.

Wednesday, July 24, 2013

සුදු හංසයෝ ඉගිළ ගියහ | Sudu Hansayo Igila Giyaha

බුදු හාමුදුරුවන්ගේ කාලයේදිම බුදු උපතත් සමඟ උපන් කුමරුවෙක් වටා මේ කතාව ගෙතී ඇත. බුදු උපන් කල දවසේ කාංචිකා හා ඝෝෂ නම් වූ දුප්පත් මා පිය දෙදෙනා ද දරුවෙක් ලැබී ය.ඔහු වින්ද නම් විය.

මෙම පොත ආරම්භයේ දී වින්ද නම් වූ දුගී කුමරු  විඳින ලෞකික සැපයේ ඇති දුකත් කටුක බවත් ගෞතමයන් විඳින ලෞකික සැපයේ ඇති සතුටත් වෙන වෙනම පාඨකයාට විස්තර කරයි.  එසේම පසුව ගෞතමයන් තමා විඳින ලෞකික සැපයේ ඇති දුක දැක සදාතනික සැපය සොයා ගිහිගෙය හැර යයි.

මේ වන විටත් වින්ද කුමරු තමා කටුක ජීවිතයක් ගත කරයි. පසුව ඔහුට බුදු හාමුදුරුවන් මුන ගැසී දහමට යොමු වී සෝවාන් පලයට පත් වේ.

මෙම පොතෙහි කතුවරයා කීමට උත්සහ කරන්නේ වින්ද කුමරු ගත කල කටුක ජීවිතයත් ගෞතමයන් මාලිගාව තුල ගත කල සුඛෝපභෝගී ජීවිතයත් අතර එතරම් වෙනසක් නොමැති බවය. මේ ජීවිත දෙකටම වඩා හොඳ මාර්ගය බුදු හාමුදුරුවන් පෙන්වා දුන් බව ය.

මෙම පොත භද්‍රජි මහින්ද ජයතිලකයන්ගේ පළමු නවකතාවයි. මෙහි පළමු මුද්‍රණය සිදුවී ඇත්තේ 1971 වසරේ දී ය.බෞද්ධ නවකතා ගණයට මෙම කෘතිය අයත් වේ.

ග්‍රන්ථ නාමය - සුදු හංසයෝ ඉගිළ ගියහ
ලේඛකයා - භද්‍රජි මහින්ද ජයතිලක
පිටු -  151ක් වේ.
ග්‍රන්ථ අංකය -ISBN  955-1131-48-7
ප්‍රකාශකයෝ - ස්ටැම්ෆර්ඩ් ලේක් ප්‍රකාශණයකි.



භද්‍රජි පාඨක ඔබ මෙම කෘතියත් ඉතාමත් ආසාවෙන් කියවනු ඇතැයි මා බලාපොරොත්තු වෙමි.
දිවයිනේ සියළුම සරසවි පොත් හල් වලින් ද මෙම කෘතිය ලබා ගත හැකි ය.

Tuesday, July 23, 2013

සැන්දරසං ඇත්තෝ | Sandarasan Aththo

සැන්දරසං ඇත්තෝ නම් වූ මෙම පොත ගැන මා කියනවාට වඩා භද්‍රජි මහත්මයාගේම වචන වලින් අසා දැනගනිමු. මහතින් දක්වා ඇත්තේ එම පොතේ පසුපස කවරයේ සදහන් කතාවේ සාරාංශයයි.

ඒ කන්ද උඩරට දෙවන රාජසිංහ රජ සමයයි. දළඳා වඳින්නට ගිය මීගස්තැන්නේ වලව්වේ දියණිය වූ මේඛලා, රාජසිංහ රජුගේ නෙතට හසුවෙයි. ජෝන් සැන්ඩර්සන් නම් වූ රජුගේ සුදු සිරකරුවා පිළිබඳ වලව්වේ සේවිකාවක වූ සඳවතීගේ සිත තුළ අනුකම්පාවක් උපදී.

මේඛලා රජුගේ අන්තඃපුරයට යයි. සිය රාජකීයත්වයත්, රාජධානියත් ආරක්ෂා කර ගැනීම උදෙසා දැඩි නීති රීති යටතේ රට පාලනය කරන රජුට එරෙහිව දිසාවේවරු කැරැල්ලක් සංවිධානය කරති. සුදු ජාතික සිරකරුවාට අතඩංගුවෙන් පැන යාමට උදව් කරන්නේ සඳවතියි.

අසාර්ථක කැරැල්ලකින් පසු මේඛලා, රොඩී කුළයට පිටුවහල් කරයි. මේ සියළු සිදුවීම් කේන්ද්‍ර කොට ගනිමින් "සැන්දරසං ඇත්තෝ" වෘතාන්තය දිග හැරේ. 

ඉහතින් දක්වා ඇත්තේ පොතේ පසු කවරයෙන් උපුටා ගත් කොටසකි. මෙම පොත සැන්දරසං ඇත්තෝ නම් වී ඇත්තේ ජෝන් සැන්ඩර්සන් යන නම ලාංකිකයෝ උසුරුවන ආකාරය නිසා විය යුතු ය.

ග්‍රන්ථ නාමය - සැන්දරසං ඇත්තෝ
ලේඛකයා - භද්‍රජි මහින්ද ජයතිලක
පිටු -  259ක් වේ.
ග්‍රන්ථ අංකය -ISBN  955-8733-50-4
ප්‍රකාශකයෝ - ස්ටැම්ෆර්ඩ් ලේක් ප්‍රකාශණයකි.



උඩරට සිරිත් විරිත් හා චාරිත්‍ර වාරිත්‍ර ගැන ද මෙම පොතෙන් යම් පමණට සාකච්ඡා කෙරේ. එසේම මෙම පොත 1997 වසරේ දී සිළුමිණ පුවත්පතේ කොටස් වශයෙන් පල වූ නව කතාවකි.

Monday, July 22, 2013

නිල් දියමන්ති අභිරහස | Nil Diyamanthi Abirahasa

මෙම පොතේ සඳහන් කතා පුවත කතුවරයාගේම නිර්වචනයෙන් පහත දැක්වේ.

ඕමානයේ ජාත්‍යන්තර පාසලකට ඇතුළුවන සුරංගට, විවිධ රටවලින් පැමිණෙන, විවිධ සංස්කෘතීන්ට අයත් මිතුරු මිතුරියන් රැසක් ආශ්‍රය කිරීමට අවස්ථාව සැලසෙයි. සමාජ අධ්‍යනය විෂයය සඳහා නයිල් ගංගා නිම්න ශිෂ්ටාචාරය ගැන ද ඊජිප්තුවේ පුරාවිද්‍යාත්මක තොරතුරු රැසක් ද ඔවුනට අසන්නට ලැබේ.

"ෆාරාවෝ රජවරුන්ගේ පිරමිඩ්, සොහොන් කොත් ඇතුළේ රූපාක්ෂාරවලින් ලියවුණු ඒ කාලයේ රසවත් තොරතුරු රැසක් අපට දැනගන්න ලැබිලා තියෙනවා. ඒ කථාන්තර අවුරුදු පනහක් තිස්සේ කිව්වත් මට කියලා ඉවර කරන්න බැරිවේවි. " ගුරුතුමිය පැවසුවා ය.

වාසනාව සුරංග ඇතුළු මිතුරන් සොයා එන්නේ, ඔවුනට ඊජිප්තුවේ පුරාවස්තු හැබැහින්ම නැරඹීමට අවස්ථාවක් සලසා දෙමිනි.

ෆාරාවෝරජවරුන්ගේ තොරතුරු සොයමින් පුරාවිද්‍යාත්මක ගවේෂණයක යෙදෙන, මහාචාර්ය ලැංඩන්ගේ කැණීම් කටයුතුවලට ද තරුණ තරුණියෝ සහභාගිවෙති. එයින් ලැබෙන ප්‍රතිඵලය කුමක් ද ?කාන්තාරයට යන මිතුරනට මුහුණදිමට සිදුවන්නේ කිසිසේත් බලාපොරොත්තු නොවූ ත්‍රාසජනක අත්දැකීම් රැසකටයි. ඔවුන් පසුපස හඹා එන්නේ කවුරුන් ද ?

මෙම පොත චන්දන මෙන්ඩිස්ගේ තවත් එක් ස්වතන්ත්‍ර නිර්මාණයක් වන අතර යොවුන් නවකතා ගණයට වැටෙන නිර්මාණයකි.

 ග්‍රන්ථ නාමය - නිල් දියමන්ති අභිරහස
ලේඛකයා - චන්දන මෙන්ඩිස්
පිටු -  266ක් වේ.
ග්‍රන්ථ අංකය -ISBN  955-9682-83-0
ප්‍රකාශකයෝ - කතෘ ප්‍රකාශණයකි.




සරල බස් වහරකින් යුක්ත කුතුහලය නොඅඩුවම රසවිඳිය හැකි කෘතියකි.මෙම පොත කියවා නැත්නම් ඔබත් කියවා රසවිඳින්න.

Sunday, July 21, 2013

බූරු පොරය | Buru Poraya

සිරා සහ බණ්ඩියා නම් ගමේ ජීවත් වන කොළු ගැටවු දෙන්නෙක් වෙයි. මොවුන් ගම පුරා ප්‍රසිද්ධියක් උසුලන්නේ විවිධ වු දඟකාර වැඩ සඳහා ය. දිනක් ගමේ පැවැත් වූ පොර පොල් තරඟයකදී පිල් දෙකේ පොල් මාරු කරවා ගමේ කණ්ඩායම දින වී ය.

ඉන්පසු කලකදී ගමට අහිකුණ්ඨක කණ්ඩායමක් පැමිණේ. අහිකුණ්ඨකයින් ආරච්චි මහත්තයාට අදාල ඉඩමක පැල් අටවා ගනී. මේ බව ආරච්චි මහත්තයට සැල වේ. ඔහු පැමිණ අහිකුණ්ඨකයින්ට බැන වැදුනත් අහිකුණ්ඨකයින් අටවා ගත් පැල් නොගැලෙව්වේය.

මේ අහිකුණ්ඨකයින් ට හිටි මහානර්ඝ වස්තුව වන්නේ ඔවුන්ගේ බූරුවා ය. ඔවුන් සිතන පරිදි මෙම බූරුවා තමන්ගේ ලඟම නෑයෙක් ය. සිරා සහ බණ්ඩියා මෙම බූරුවාගේ පිට වටයක් යාමට ආසාවක් දක්වයි. මේ නිසා බූරුවා පැහැර ගැනීමට ඔවුන් සිතයි.

ඔවුන් දෙපල මෙම ආශාව ඉටු කර ගන්නේ කෙසේ ද ? බූරුවා පැහැර ගැනීමට ඔවුන් යොදන උපක්‍රමය කුමක්ද ?

සරල වින්දනයක් ඔස්සේ ළමා කාළයේ කෙලි කවටකම් නැවතත් මතක් කරගැනීමට කියවන්න බූරු පොරය. මෙය ද යොවුන් නව කතා ගණයට අයත් වේ.

ග්‍රන්ථ නාමය - බූරු පොරය
ලේඛකයා - කුලසේන පොන්සේකා
පිටු -  136ක් වේ.
ග්‍රන්ථ අංකය -ISBN  955-9175-07-06
ප්‍රකාශකයෝ - සුභා ප්‍රකාශණයකි. 


ඔබ තවමත් මෙම පොත කියවා නැත්නම් කියවා බලන්න.

Saturday, July 20, 2013

තුන් යහළු වික්‍රමය | Thun Yahalu Wikramaya

සවස දෙකට පමණ රුවන් මහනුවර දුම්රිය පොල වෙත පැමිණියේ තමාගේ අතීජාත මිතුරන් දෙදෙනා වන අජිත් හා සුනිල්ව පිලිගැනීමට ය. මොවුන් තිදෙනාගේ මිතුරුකම ඇති වූයේ සඟරාවක් මාර්යගෙනි. මහනුවර පැමිණි මෙම මිතුරන් තිදෙනාගේ ඊළඟ ප්‍රයත්නය වන්නේ තලාතුඔය ප්‍රදේශයේ පිහිටි දිය ඇල්ලක් බැලීමට යාම යි.

පසුදින ඔවුන් එම දිය ඇල්ල බැලීමට පිටත් වූවෝ ය. එහිදි ඔවුන්ට පත්තර පුටුවක තිබූ ලිපියක කොටසක් දකින්නට ලැබිණි. එහි සඳහන්ව තිබුනේ නිදන් හොරුන්ගේ ග්‍රහනයට හසු වූ පුදබිමක් ගැන ය. මෙම මිතුරන් තිදෙනා ද එම ලිපිය ඔස්සේ ඒ පිළිබඳ සොයා බැලීමට යයි.

ඉන් පසුව සිදු වන්නේ කුමක් ද ?  කියවන්න තුන් යහළු වික්‍රමය !

ඉහතින් දක්වා ඇත්තේ කතාවේ ඉතාමත් ස්වල්පයකි. කුතුහලය නො අඩුවම එක ලෙස කියැවිය හැකි කෘතියකි. මෙය යොවුන් නවකතා ගණයට වැටෙන පොතකි.

මෙම පොතට 1984 වර්ෂයේදී රාජ්‍ය සාහිත්‍යය සම්මානය ද හිමි විය.

ග්‍රන්ථ නාමය - තුන් යහළු වික්‍රමය
ලේඛකයා - කුලසේන පොන්සේකා
 පිටු -  95ක් වේ.
ග්‍රන්ථ අංකය -ISBN  955-9520-03-2
ප්‍රකාශකයෝ - සුභා ප්‍රකාශණයකි.


යොවුන් කවකතා කියැවීමට රුචිකත්වයක් දක්වන යොවුන් ඔබ, මෙම පොත කියවා රසවිඳිනු ඇතැයි මා සිතමි.
දිවයිනේ සියළුම සරසවි පොත් හල්වලින් ද මෙම පොත මිලදී ගත හැකි ය.

Friday, July 19, 2013

චෞර රැජින | Chaura Rajina

හිටපු ජනපතිනිය වූ චන්ද්‍රිකා බණ්ඩාරනායක කුමාරතුංග මැතිණියගේ දේශපාලන ජීවිතයේ තිරයෙන් පිටුපස සිදුවීම් වල ඇත්ත නැත්ත සාකච්ඡා කරන කෘතියකි.

 අනු හතරේ බලයට පත් වූ දා පටන් එතුමියගේ දේශපාලන ජීවිතයේ අප දුටු සිදුවීම් කිහිපයක් මෙම පොතෙන් විස්තර කරයි. එසේම ඔබ මෙතෙක් වීරවරියක් ලෙස සිතා සිටි එතුමියගේ චරිතය තුළ අළු පාටින් ඉරි ඇඳීමක් සිදුවන කෘතියක් බව කිය යුතුම ය.

මෙම පොතේ කතෘ වන වික්ටර් අයිවන් ගැන යමක් පවසනවා ඔහු කලක් රාවය පුවත්පතේ කතෘ ලෙස සේවය කල අයෙකි.

 ග්‍රන්ථ නාමය - චෞර රැජින
ලේඛකයා - වික්ටර් අයිවන්
 පිටු -  184ක් වේ.
ග්‍රන්ථ අංකය -ISBN  955-1468-03-1
ප්‍රකාශකයෝ - කතෘ ප්‍රකාශණයකි.



මාධ්‍යවේදි වික්ටර් අයිවන්ගේ ලේඛණ රටාව ඔස්සේ සත්‍යය සිදුවීමක අප නොදන්නා පැතිකඩ ගැන දැන ගන්න චෞර රැජිණ පොත කියවන්න.
 මෙය දිවයිනේ ඇති සියළුම සරසවි පොත් හල් වලින් මිලදී ගත හැකි ය.

පසුව ලියමි. - මෙම පොත බාගත කරගන්න මෙතන ක්ලික් කරන්න.

Thursday, July 18, 2013

ගැට කපන පුංචා | Geta Kapana Puncha

පුංචි ස්මිත් ලන්ඩනයේ මුඩුක්කු සහිත වීදියක ජීවත් වූ අයෙකි. එසේම පුංචි ස්මිත් පික් පොකට්කාරයෙකි. ඔහු හා ඔහුගේ අක්කලා දෙදෙනා ජීවත් වූයේ ස්මිත් පික් පොකට් ගැසීමෙන් ලබා ගන්නා මුදල් වලිනි. දිනක් ඔහු වයසක මිනිසෙකුගේ පොකැට්ටුවට විද්දේ ය.

පොකැට්ටුවට විද්ද ස්මිත් ඈතට වී මෙම වයසක මිනිසා දෙස බලා සිටියේ ය. ඔහු දුටුවේ දාමරිකයින් දෙදෙනෙක් විසින් මෙම වයසක මිනිසා අසලට පැමිණ ඔහුව මදා මහමඟ දමා යාමයි. ස්මිත් ද මේ සිඳුවීමෙන් තාමත් කලබලයට පත් වූයේ ය.

ඔහු සිතූ පරිදි මුදල් කිසිවක් එහි නොවීය. එහි වූයේ ලියවිල්ලකි. මේ ලියැවිල්ල කියවීමට ස්මිත් අකුරු නොදන්නේ ය. එසේම තම අක්කලා දෙදෙනා පවා මේ ලියවිල්ල කියවීමට නොදත්තේ ය.

ස්මිත් ට ලැබුණු මේ අභිරහස් ලියවිල්ල කුමක් ද ? දාමරිකයන් විසින් එම වයසක මිනිසාව මරා දැමු වේ ඇයි ?  ස්මිත්ගේ ජීවිතයට මෙම ලියැවිල්ල නිසා හානියක් සිදු වේ ද ?

මේ ප්‍රශ්න වලට පිලිතුරු අවශ්‍ය නම් ගැට කපන පුංචා පොත කියවන්න.

මෙය පරිවර්තන කෘතියකි. ගැට කපන පුංචා නමින් සිංහලයට පරිවර්තනය වූ යේ ලියොන් ගාර්ෆීල්ඩ් විසින් රචිත ස්මිත් නම් කෘතිය වේ.

ග්‍රන්ථ නාමය - ගැට කපන පුංචා
ලේඛකයා - චන්දන මෙන්ඩිස්
පිටු -  268ක් වේ.
ග්‍රන්ථ අංකය -ISBN  955-1262-02-6
ප්‍රකාශකයෝ - කතෘ ප්‍රකාශණයකි.



ඉතාමත් සරල බස් වහරකින් යුක්ත වීම හා කුතුහලය නොඅඩුවම කැටිකොටගත් බැවින් පාථක ඔබව මෙම කෘතිය විසින් ඇඳ බැඳ තබා ගනු නිසැක ය.තව ද චන්දන මෙන්ඩිස් රසික ඔබ, අනිවාර්යෙන්ම මෙම කෘතිය කියවා රසවිඳිනු ඇත.

Wednesday, July 17, 2013

ඉසංකාගේ ලෝකය | Isankage Lokaya

ඉසංකා, කොළඹ විශ්ව විද්‍යාලයේ සිසුවියකි. ඇයට පෙම්වතෙකු සිටියා ය. ඔහු සමන් නම් වේ. ඔහු ඉසංකාව ආශ්‍රය කලේ තම සිතැඟි ආශාවන් සපුරා ගන්නට ය.ඔහු තම සිතැඟි ඉසංකාගෙන් ඉටු කරගෙන වෙන ගෑනු ළමයෙක් කරා ගියේ ය.

ඉසංකා කලක් යනතුරු දුකින් සිටි අතර මේ සියළු දේවල් ඈ ද අමතක කර දමා තම අධ්‍යාපන කටයුතු වල නියැලුනා ය. කලක් ගත වන විට ගෙදර වැඩට හිටි පියදාස කෙරෙහි ඇගේ හිතේ ආදරයක් හට ගැනුනි. එහෙත් ඈ ඒ වගක් පියදාසට දැනෙන්නට හැරියේද නැත.

නමුත් ඉසංකාගේ සිතෙහි පෙම්වතෙකුගේ ආදරයක අඩුව තදින්ම තිබුණි.

මේ අතරතුරේදි පියදාස ඉනිමඟකින් වැටි රෝගාතුර වූයේ ය. පියදාසගේ අඩුව මකාලනු වස් ඉසංකාගේ පියා විසින් චන්ද්‍රසිරි නම් වූ ගම්පහ කොල්ලෙකු වැඩට ගෙනාවේ ය. පියදාසගේ ගතිගුණ කෙරෙහි රූපය කෙරෙහි ඉසංකාට ආදරයක් හට ගත්තේ ය.

ඉසංආගෙත් චන්ද්‍රසිරිගෙත් ආදරයට කුමක් සිදු වේ ද ? ඔවුන් දෙදෙනාට ගෙදරින් ඇතිවන ප්‍රශ්න මොනවාද ? ඉතාමත් සරල කතා තේමාවක් ඔස්සේ යන ඉසංකාගේ ලෝකය කියවා රස විඳින්න.

භද්‍රජී පාඨක ඔබ මේ පොත ද ආසාවෙන් කියවනු ඇතැයි මා සිතන්නෙමි.

ග්‍රන්ථ නාමය - ඉසංකාගේ ලෝකය
ලේඛකයා - භද්‍රජි මහින්ද ජයතිලක
පිටු -  203ක් වේ.
 ග්‍රන්ථ අංකය -ISBN  955-8933-11-2
ප්‍රකාශකයෝ - කිංකිණි ප්‍රකාශණයකි.



පහත දැක්වෙන්නේ පොතෙන් උපුටා ගත් කොටසකි.

"මහත්තයා." චන්ද්‍රසිරි පුටුවෙන් නැගිටුනේ ඉබේම. සෝමගේ ඇස් දෙක ගල් ගැහුනා. ඉසංකගේ පපුව නැවතුනා වගේ දැනුනා.

හෝ මේ චන්ද්‍රසිරි නේ....

"මෙහේ මොනවද කරන්නේ "

තාත්තා පුටුවක ඉඳ ගත්තා.

"මං කොළඹ ආවා මහත්තයා." ඒ ගමන්ම....


සරල වින්දනයක් රැගත් යොවුන් ආදර කතාවක මිහිර විඳින්න ඔබත් ඉසංකාගේ ලෝකයට පිවිසෙන්න.